سەرۆكی حكوومەتی هەرێمی كوردستان خەمباربوونی خۆی بە هۆی رووداوی ئاگركەوتنەوەكەی بەرەبەیانی ئەمڕۆی توركیا راگەیاند كە بەهۆیەوە 66 كەس گیانیان لەدەست دا.
مەسرور بارزانی سەرۆكی حكوومەتی هەرێمی كوردستان لە تۆڕی كۆمەڵایەتی ئێكس رایگەیاند "خەمبارم بە ڕووداوی ئاگرکەوتنەوەکەی شاری بۆلۆ لە تورکیا".
سەرۆكی حكوومەت راشیگەیاند "لەم کاتە سەختەدا سەرەخۆشی خۆم بە کەسوکاری قوربانیان و گەل و حکوومەتی تورکیا دەگەیەنم".
بەرەبەیانی ئەمڕۆ سێشەممە رووداوێكی ئاگركەوتنەوە لە هۆتێلی ناوەندی خلیسكانەی سەر بە فری كارتاڵكایا لە پارێزگای بۆڵۆ لە وڵاتی توركیا كەوتەوە.
عەلی یەرلی كایا وەزیری ناوخۆی توركیا لەبارەی ژمارەی قوربانییەكان رایگەیاند "بەهۆی رووداوی ئاگركەوتنەوەكە 66 كەس گیانیان لەدەستداوە و 51 كەسی دیكەش بریندار بوون".
I’m saddened by the tragic fire in Bolu, Türkiye. I offer my condolences to the families of the victims and to the people and government of Türkiye during this difficult time -mb.
— Masrour Barzani (@masrourbarzani) January 21, 2025
کۆمێنت (0)
تا ئێستا هیچ کۆمێنتێک نەکراوە.