بڕیاردرا بۆ رۆژی پێنجشەممەی داهاتوو لە پارێزگای بەسڕە بكرێتە پشووی فەرمی بەهۆی بەڕێوەچوونی یاریی نێوان هەردوو هەڵبژاردەی عێراق و ئوردن.
ئەسعەد عێدانی پارێزگاری بەسڕە بڕیاری دا دووسبەی پێنجشەممە لە تەواوی پارێزگاكەیان بكرێتە پشووی فەرمی بەهۆی بەڕێوەچوونی یاریی هەڵبژاردەی عێراق و ئوردن.
رۆژی پێنجشەممەی داهاتوو لەچوارچێوەی یارییەكانی پاڵاوتنی مۆندیالی 2026، هەردوو هەڵبژاردەی عێراق و ئوردن لەنێو یاریگەی نێودەوڵەتی بەسڕە رووبەڕووی یەك دەبنەوە، یارییەكە كاتژمێر 7:15 شەو بەڕێوەدەچێت.
هەڵبژاردەی عێراق لە كۆمەڵەی دووەم تا ئێستا 4 یاری ئەنجامداوە، دوو یاری بردووەتەوە و لە یارییەك یەكسان بووە و یارییەكی دیكەشی دۆڕاندووە، هەڵبژاردەكە ئێستا بە 7 خاڵ لە ریزبەندی سێیەمی كۆمەڵەكەی دێت.
هەڵبژاردەی ئوردنیش هەمان ئەنجامی هەیە، بەڵام بەجیاوازی گۆڵ لە ریزبەندی دووەمە، هەڵبژاردەی كۆریای باشووریش 10 خاڵی هەیە لە ریزی یەكەمی كۆمەڵەكەیە.
کۆمێنت (0)
تا ئێستا هیچ کۆمێنتێک نەکراوە.