سوپای ئیسڕائیل ئەمشەو دووشەممە دەستی كرد بە هێرشی زەمینی بۆ نێو خاكی لوبنان، سوپای ئەو وڵاتەش بە مەبەستی بەرگریكردن بەشێك لە سەربازەكانی كشاندۆتەوە.
میدیاكانی ئیسڕائیل بڵاویان كردەوە: كەمێك پێش ئێستا هێرشی زەمینی سوپای ئیسرائیل بۆ سەر ناوچەكانی باشووری لوبنان دەستی پێ كرد.
لەبارەی هێرشەكە، ماتیۆ میلەر گوتەبێژی وەزارەتی دەرەوەی ئەمەریكا بە میدیاكانی راگەیاند: ئاگادارین لە هەندێك شوێن هێرشی زەمینی سوپای ئیسڕائیل بۆ سەر لوبنان دەستی پێ كردووە بە مەبەستی بەئامانجگرتنی ژێرخان و بنكە و بارەگاكانی حزبوڵا.
لای خۆشییەوە وەزارەتی بەرگریی لوبنان فەرمانی بە بەشێك لە سەربازانی سوپای وڵاتەكەی كردووە بۆ بەرگریكردن پاشەكشە بكەن، بۆ ئەم مەبەستەش سوپای لوبنان بۆ ماوەی 5 كیلۆمەتر لە سنوور كشاونەتەوە.
ئەمە لەكاتێكدایە كە لە ئێوارەی ئەمڕۆ دووشەممەوە، سوپای ئیسڕائیل بە چڕی بنكە و بارەگاكانی حزبوڵای لە باشووری لوبنان بۆردومان دەكات.
کۆمێنت (0)
تا ئێستا هیچ کۆمێنتێک نەکراوە.