وەزارەتی تەندروستی لوبنان ژمارەی قوربانییانی لە ئەنجامی تەقینی ئەمڕۆی ئامێرەكانی بێتەل لە وڵاتەكەی بڵاو كردەوە.
ناوەندی گشتی فریاگوزاری تەندروستی سەر بە وەزارەتی تەندروستی لوبنان بڵاوی كردەوە: لە ئەنجامی تقینەوەكانی ئەمڕۆی ئامێرەكانی پەیوەندیكردنی بێتەل و پێجەردا سێ كەس گیانیان لەدەستداوە و زیاتر لە 100 كەسی دیكەش بریندار بوون.
راشیگەیاند: جگە لە ئامێرەكانی پەیوەندیكردنی بێتەل و پێجەر، هەروەها چەندین ئامێری كارەبای وزەی خۆری ماڵان تەقیونەتەوە.
ئەمە لەكاتێكدایە كە دوای نیوەڕۆی دوێنێ سێشەممەش بەهەمانشێوە لە رێگەی هێرشێكی ئەلیكترۆنی ئیسڕائیلدا چەندان ئامێری پەیوەندیكردنی پەیجەر لە لوبنان تەقێنرانەوە و بەهۆیەوە زیاتر لە سێ هەزار كەس بریندار بوون و 9 كەسیش كوژران.
کۆمێنت (0)
تا ئێستا هیچ کۆمێنتێک نەکراوە.