ئه‌مڕۆ ئه‌نجوومه‌نی وه‌زیرانی عێراق بۆ كاروباری ئابووری ده‌گاته هه‌ولێر و له‌گه‌ڵ سه‌رۆكی حكومه‌تی هه‌رێمی كوردستان كۆده‌بێته‌وه.
ئه‌نجوومه‌نه‌كه به سه‌رۆكایه‌تی د. فوئاد حوسێن وه‌زیری ده‌ره‌وه‌ی عێراق و ئه‌ندامێتی عەلی محەمەد تەمیمی وه‌زیری پلاندانان، تەیف سامی وه‌زیری دارایی، ئەسیر داود وه‌زیری بازرگانی، ئەحمەد جاسم وه‌زیری كار و كاروباری كۆمه‌ڵایه‌تی، حەمید نەعیم ئه‌مینداری گشتی ئه‌نجوومه‌نی وه‌زیرانی عێراق و شاندێكی دیوانی چاودێری دارایی فیدڕاڵی سه‌ردانی هه‌ولێر ده‌كات و له‌گه‌ڵ مه‌سرور بارزانی سه‌رۆكی حكومه‌تی هه‌رێمی كوردستان كۆده‌بێته‌وه و دواتریش وه‌زیرانی دارایی هه‌رێمی كوردستان و عێراق به جیا كۆده‌بنه‌وه و پرسی دابینكردنی مووچه‌ی فه‌رمانبه‌رانی كوردستان باس ده‌كه‌ن.
کۆمێنت (0)
تا ئێستا هیچ کۆمێنتێک نەکراوە.