لە سەر راسپاردەى مەسرور بارزانى، سەرۆکى حکومەتی هەرێمی کوردستان و لە چوارچێوەی گرنگیدانى کابینەی نۆیەم بە کەرتى پەروەردە و فێرکردن و لە چوارچێوەى ئەو ئامادەکارى و پلان و بەرنامەیەى داڕێژراوە بۆ دروستکردنى قوتابخانە لە سنوورى پارێزگاى هەولێر، بە تایبەتى لەو ناوچە و گەڕەک و شوێنە هەژارنشینانه‌ى كه پێویستن، دەست بە دروستکردنی ( 19 ) قوتابخانەى نوێ کراوە و سەرجەمیان بۆ ئەمساڵى خوێندن 2024 - 2025 بە ڕووى خوێندى قوتابیان دەکرێتەوە.
لەو چوارچێوەیەشدا، ئەمڕۆ یەکشەممە 2024.9.1، بە مەبەستى لە نزیکەوە ئاگاداربوون لە چۆنیەتى بەڕێوەچوونى کارەکان، هەریەک لە د.ئالان حەمە سەعید، وەزیری پەروەردە و ئومێد خۆشناو، پارێزگارى هەولێر و د.محەمەد شوکرى، سەرۆکی دەستەی وەبەرهێنان، بە یاوەرى مەسعود کاڕەش، جێگرى پارێزگار و بەڕێوەبەری پەروەردەی دەوروبەر، پڕۆژەى دروستکردنى قوتابخانەى ئامادەیی 18 پۆلی ئەحمەد ڕێکانیان لە گەڕەکی دیلانى سەنتەرى ناحییەى بەحرکە بە سەرکردەوە.
لە بە سەرکردنەوەکەیاندا، لە نزیکەوە لە چۆنیەتى بەڕێوەچوونى کارەکان و پێداویستیەکانی قوتابخانەکەیان کۆڵییەوە و دەستخۆشیان لە ستافى سەرپەرشتیار و ئەندازیارانى پڕۆژەکە کرد بۆ ئەنجامدانى کارەکانیان، هەوەها دەستخۆشیان لە سەرجەم ئەو خێرخوازان کرد کە هەمیشە لەگەڵ حکومەتى هەرێمى کوردستان و پارێزگای هەولێر هەماهەنگ و هاوکار بوونە و بەشێکی گرنگ بوونە لە دەستگیرۆیی بۆ ئەنجامدانى کارى مرۆیی.
جێگەى باسە، پڕۆژەى دروستکردنى ئەم قوتابخانەیە لە جۆری A یە و لەسەر ڕووبەرى (7500 مەتر2) دروستکراوە و ئێستا لە قۆناغى کۆتاییدایە و بڕیارە بۆ ئەمساڵى خوێند بە ڕووى خوێندنى زیاتر لە (600) قوتابى دانیشتوانانى ناحیەکە بکرێتەوە، وەک ئەرکێکی نیشتمانی و دەستباربوونى حکومەتی هەرێمی کوردستان لەلایەن خێرخواز ئەحمەد ڕێکانی دروستکراوە.
کۆمێنت (0)
تا ئێستا هیچ کۆمێنتێک نەکراوە.