به درۆن هێرشكرایه سه‌ر بنكه‌یه‌كی هێزه‌كانی ئه‌مریكا له حه‌سه‌كه‌ی كوردستانی سووریا و ئاگرێكی گه‌وره له بنكه‌كه به‌رزبووه‌ته‌وه.
ڕوانگەی سووریا بۆ مافەکانی مرۆڤ بڵاوی كرده‌وه، به‌ره‌به‌یانی ئه‌مڕۆ شه‌ممه 10ی8ی2024، لە باکووری ڕۆژهەڵاتی حەسەکە بە درۆن هێرش کرایە سەر بنکەیەکی هاوپەیمانیی نێودەوڵەتی کە سەربازانی ئەمەریکی تێدایە.
ده‌شڵێت، هێرشه‌كه كراوه‌ته‌سه‌ر بنكه‌یه‌ك له نزیك گوندی خەرابولجەیر لە دەشتاییەکانی ڕمێلان لە باکووری ڕۆژهەڵاتی حەسەکە.
ئاشكراشی كردووه، درۆنەکە لە نێو بنکەکەی هاوپەیمانیی نێودەوڵەتی کەوتووەته‌خوارەوە و ئاگر لە نێو بنکەکە کەوتووەتەوە، بەڵام هیچ زانیارییەک لە بارەی زیانی گیانی بڵاو نەکراوەتەوە.
کۆمێنت (0)
تا ئێستا هیچ کۆمێنتێک نەکراوە.