ئەمڕۆ هەینی لەگەڵ كردنەوەی بازاڕەكانی نەوت لە جیهان، نرخی نەوت كەمێك دابەزینی بەخۆیەوە بینی بەهۆی مەترسییەكانی كەمبوونەوەی خواست و بەردەوامی نائارامییەكانی لە رۆژهەڵاتی ناوەڕاست.
سەرلەبەیانی ئەمڕۆ هەر بەرمیلێك نەوتی خاوی برێنت بە ڕێژەی 0.11%ی نرخەكەی دابەزی و گەیشتە 79.07 دۆلاری ئەمەریكی.
بەهەمانشێوە نرخی نەوتی خاوی تێكساسی ئەمەریكیش دابەزینی بەخۆیەوە بینی و هەر بەرمیلێك نرخەكەی سەنتێكی دۆلار هاتە خوارەوە و ئێستا بە 76.09 دۆلاری ئەمەریكییە.
سەرەڕای ئەو دابەزینەی ئەمڕۆ، هێشتا نرخی نەوت لە بازاڕەكانی جیهان بۆ وڵاتە هەناردەكارەكان گونجاوە و لە ئاستێكی باشدایە، بۆ نموونە بۆ عێراق نرخەكەی لە بازاڕەكانی جیهان تاڕادەیەك گونجاوە، چونكە لە بودجەی ئەمساڵ نرخی هەر بەرمیلێك بە 80 دۆلار خەملێنراوە.
کۆمێنت (0)
تا ئێستا هیچ کۆمێنتێک نەکراوە.