شانه‌ی راگه‌یاندنی ئه‌منی راگه‌یه‌نراوێكی له‌باره‌ی كه‌وتنه‌وه‌ی ئاگر له كۆگایه‌كی چه‌ك و ته‌قه‌مه‌نی سوپای عێراق له شاری به‌غدا بڵاو كرده‌وه و تێیدا ره‌تی كرده‌وه هێرشی ئاسمانی كرابێته سه‌ر كۆگاكه.
شانه‌كه له راگه‌یه‌نراوێكه‌دا رایگه‌یاند: كه‌مێك پێش ئێستا به‌هۆی رووداوێك ئاگر له كۆگایه‌كی چه‌ك و ته‌قه‌مه‌نی له لیوای 22ی پیاده‌ی سوپای عێراق كه‌وته‌وه.
ڕاشیگه‌یاند: هه‌رزوو توانرا ئاگره‌كه كۆنتڕۆڵ بكرێت و ئێستا هیچ مه‌ترسییه‌ك له‌سه‌ر باره‌گاكه‌ی سوپای عێراق له به‌غدا نه‌ماوه.
شانه‌ی راگه‌یاندنی ئه‌منی ره‌تیشی كرده‌وه ئاگره‌كه له ئه‌نجامی هێرشی ئاسمانی كه‌وتبێته‌وه و جه‌ختیشی كرده‌وه كه به‌هۆی رووداوێك له‌نێو كۆگاكه ئاگره‌كه دروستبووه.
ئاماژه‌ی به‌وه‌ش دا كه لیژنه‌یه‌كی لێكۆڵینه‌وه‌یان له‌سه‌ر هۆكاری ئاگركه‌وتنه‌وه‌كه پێكهێناوه و دواتر ئه‌نجامی لێكۆڵینه‌وه‌كان بۆ رای گشتی بڵاو ده‌كه‌نه‌وه.
کۆمێنت (0)
تا ئێستا هیچ کۆمێنتێک نەکراوە.