وه‌زاره‌تی ته‌ندروستی فه‌ڵه‌ستین له غه‌ززه ئه‌مڕۆ یه‌كشه‌م ئاشكرای كرد كه ژماره‌ی كوژراوان له ماوه‌ی 3 هه‌فته‌ی ڕابردوودا به‌هۆی بۆردومانه‌كانی سوپای ئیسڕائیل 8 هه‌زار كه‌سی تێپه‌ڕاندووه.
گوته‌بێژی وه‌زاره‌تی ته‌ندروستی فه‌ڵه‌ستین دوای نیوه‌ڕۆی ئه‌مڕۆ یه‌كشه‌م له كۆنگره‌یه‌كی رۆژنامه‌وانیدا ڕایگه‌یاند: له 7ی ئۆكتۆبه‌ره‌وه تا ئێستا به‌هۆی بۆردومانه‌كان 8 هه‌زار و 5 كه‌س گیانیان له‌ده‌ستداوه كه 3 هه‌زار و 324 كه‌سیان منداڵن له‌گه‌ڵ 2 هه‌زار و 62 ئافره‌ت.
ڕاشیگه‌یاند: ژماره‌ی بریندارانیش بریتین له 20 هه‌زار و 242 كه‌س.
هه‌روه‌ها ڕایگه‌یاند: وه‌زاره‌ته‌كه‌مان تا ئێستا هه‌واڵی بێسه‌روشوێنبوونی 1870 كه‌سی پێ گه‌یشتووه كه 1020یان منداڵن و له‌ژێر داروبه‌ردی باڵه‌خانه خاپووربووه‌كاندا ماونه‌ته‌وه.
جه‌ختیشی كرده‌وه كه 12 نه‌خۆشخانه له غه‌ززه به‌ته‌واوی له‌كاركه‌وتوون له‌گه‌ڵ 32 بنكه‌ی ته‌ندروستی.
کۆمێنت (0)
تا ئێستا هیچ کۆمێنتێک نەکراوە.