بوومەلەرزەیەك بە گوڕی 6.1 پلە نیپاڵی هەژاند 

 ناوەندی نیشتمانی بوومەلەرزەزانی نیپاڵ ئەمڕۆ یەكشەممە ڕایگەیاند بوومەلەرزەیەك بە گوڕی 6.1 پلە لە نیپاڵ ڕوویداوە.
ئاماژەی بەوەشكرد، ناوەندی بوومەلەرزەكە لە ناوچەی دادینگ بووە كە نزیكەی 55 كیلۆمەتر لە ڕۆژئاوای كاتماندۆی پایتەختەوە دوورە.
لەوبارەیەوە بەرپرسێكی باڵای دەڤەری دادینخ گوتی: هەستمان بە لەرزینێكی زۆر بەهێز كرد، بەشێك لە دانیشتووانی ناوچەكە بەپەلە لە ماڵەكانیان دەرچوون.
هەروەها ناوەندی بوومەلەرزەزانی دەریای ناوەڕاستی ئەوروپی ڕایگەیاند، بوومەلەرزەكە لە قووڵایی 13 كیلۆمەتر بووە.
جێگای سەرنجە كە نیپاڵ لە ساڵی 2015دا كارەساتێكی سەختی بەخۆیەوە بینی، كاتێك بوومەلەرزەیەك وڵاتەكەی گرتەوە و لە ئەنجامدا زیاتر لە 4 هەزار كەس گیانیان لەدەستدا .