ئیسڕائیل ئه‌مشه‌و چوارشه‌م ئاشكرای كرد كه سوپای وڵاته‌كه‌یان سه‌رجه‌م ئاماده‌كارییه‌كانی بۆ ده‌ستپیكردنی هێرشی زه‌مینی بۆ سه‌ر كه‌رتی غه‌ززه ته‌واو كردووه.
ده‌سته‌ی ڕاگه‌یاندنی ئیسڕائیلی بڵاوی كرده‌وه: سوپای ئیسڕائیل سه‌رجه‌م ئاماده‌كارییه‌كانی بۆ ده‌ستپێكردنی هێرشی زه‌مینی بۆ سه‌ر گرووپه چه‌كداره‌كانی فه‌ڵه‌ستین له كه‌رتی غه‌ززه ته‌واو كردووه.
رۆژی 7ی ئه‌م مانگه كه‌تائیبی عیزه‌دین قه‌سام باڵی سه‌ربازی بزووتنه‌وه‌ی حه‌ماس هێرشی ئاسمانی و زه‌مینی و ده‌ریایی بۆ سه‌ر بنكه و باره‌گاكانی سوپا و شاره‌كانی ئیسڕائیل ده‌ست پێ كرد و له ئۆپه‌ڕاسیۆنی تۆفانی ئه‌قسا سه‌دان ئه‌فسه‌ر و سه‌رباز و هاووڵاتی ئیسڕائیلی كوژران و به‌دیل گیران.
له دوای ئۆپه‌ڕاسیۆنه‌كه، سوپای ئیسڕائیل بۆردومانه‌كانی بۆ سه‌ر كه‌رتی غه‌ززه و ناوچه‌كانی تری فه‌ڵه‌ستین ده‌ست پێ كرد و به‌هۆیه‌وه تا ئێستا سه‌دان هاووڵاتی فه‌ڵه‌ستینی كوژراون و هه‌زارانی دیكه‌ش بریندار بوون.
کۆمێنت (0)
تا ئێستا هیچ کۆمێنتێک نەکراوە.