فابینیۆ ناوەڕاستکاری بەڕازیڵی و یانەی لیڤەرپوولی ئینگڵتەرا پەیوەندی بە ریزەکانی یانەی ئیتیحادی سعودی دەکات.
رۆژنامه‌كانی ئیتاڵیا بڵاویانکردەوە، ناوەڕاستکارە بەڕازیلیەکەی رێدز پشکنینە پزیشکیەکانی بە شێوەیەکی سەرکەوتووانە تێپه‌راندوه‌و لەگەڵ یانە سعودیەکە گەیشتە رێکەوتن.
راپۆرته هه‌واڵه‌كان بڵاویشیان کردەوە كه فابینیۆ بەرامبەر 40 ملیۆن پاوەند بۆ ماوەی سێ وەرز تاوەکو ساڵی 2026 پەیوەندی بە ئیتیحادی سعوودی دەکات.
بڕیارە دوای کۆتایی هاتنی رێکارە یاساییەکان لە نێوان هەردوو یانەی لیڤەرپوول و ئیتیحاد، گرێبەستەکە بە فەرمی بڵاوبکرێتەوە، شایه‌نی باسه یانه‌ی ئیتحاد له‌م هاوینه چه‌ند یاریزانێكی به‌ناوبانگی گواسته‌وه ریزه‌كانی خۆی له‌سه‌رووی هه‌موویانه‌وه كه‌ریم بنزیمه و نگۆلۆ كانتی فه‌ره‌نسی بوون .
کۆمێنت (0)
تا ئێستا هیچ کۆمێنتێک نەکراوە.