بەڕێوەبەرایەتیی ده‌روازه‌ى نێوده‌وڵه‌تى ئیبراهیم خه‌لیل ڕایگه‌یاند كه له ماوه‌ی ڕابردوودا كه‌لوپه‌ل و كه‌ره‌سته‌یه‌كی زۆریان له‌ناو بردووه به‌هۆی ئه‌وه‌ی له‌گه‌ڵ ڕێنماییه‌كانى حكوومه‌تى هه‌رێمى كوردستان نه‌گونجاون.
بەڕێوەبەرایەتیی ده‌روازه‌ى نێوده‌وڵه‌تى ئیبراهیم خه‌لیل له ڕاگه‌یه‌نراوێكدا بڵاوی كرده‌وه: له ماوه‌ى دوو مانگدا له ڕێكه‌وتى 1/8 تا 30/9ی ڕابردوو ن 3 هه‌زار و 389 ته‌ن و 842 كیلۆگرام كه‌ره‌سته‌ى جۆراوجۆر له‌لایه‌ن تاقیگه و لیژنە پەیوەندیدارەکانی سەر بە بەڕێوەبەرایەتیی ده‌روازه‌یى نێوده‌وڵه‌تى ئیبراهیم خه‌لیل پەسەند نەکران و به‌شێكیان گه‌ڕێنراونه‌ته‌وه و هه‌روه‌ها به‌شێكیشیان له‌نێوبراون.
هه‌روه‌ها ڕایگه‌یاند: هۆكاری گه‌ڕانه‌وه یان له‌ناوچوونی ئه‌م كه‌ره‌ستانه ئه‌وه بووه كه له‌گه‌ڵ رێنماییه‌كانى حكوومه‌تى هه‌رێمى كوردستان نه‌گونجاون.
بەڕێوەبەرایەتیی ده‌روازه‌ى نێوده‌وڵه‌تى ئیبراهیم خه‌لیل ڕاشیگه‌یاند: بە گشتی كه‌ره‌سته‌كانیش پێكهاتوون له کەلوپەلی ته‌ندروستى، کوزماتیک، خواردن و خواردنه‌وه، ڤیتێرنه‌رى، چاندن و بیناسازى.
کۆمێنت (0)
تا ئێستا هیچ کۆمێنتێک نەکراوە.