جەسام مشیر بەرپرسی دەزگای هەڵبژاردنی لقی دووـی پارتی دیموکراتی کوردستان سەرکەوتنی هەر 5 کاندیدەکەی پارتی لە سەنتەری شاری هەولێر ڕاگەیاند و ڕێژەی دەنگەکانیشیان ئاشکرا دەکات.
ئەمڕۆ دووشەممە 10ـی تشرینی یەکەمی 2021 جەسام مشیر بەرپرسی دەزگای هەڵبژاردنی لقی دووـی پارتی دیموکراتی کوردستان، لە لێدوانێکدا بۆ کوردستان تیڤی سەرکەوتنی هەر پێنج کاندیدەکەی لە سنووری بازنەی 3 و 4 ڕاگەیاند و سوپاسی خەڵکی هەولێر و ئەندامان و لایەنگرانی پارتیشی کرد بۆ بەشداری کاراییان لە پڕۆسەی هەڵبژاردنی پێشوەختەی ئەنجوومەنی نوێنەرانی عێراقدا.
جەسام مشیر ڕایگەیاند، زانیاری ڕێژەی دەنگی کاندیدەکانمان لە بریکارەکانمان بە دەست گەیشتووە کە ژمارەیان لە 1 هەزار و 345 بریکار پێکهاتووە.
لە لێدوانەکەیدا جەسام مشیر ڕێژەی بەدەستهێنانی دەنگی کاندیدەکانی سنووری بازنەی 3 و 4ـی پارێزگای هەولێر ئاشکراکرد و ڕایگەیاند، لە سنووری 4ـی بازنەی پارێزگای هەولێر مەریوان قەرەنی لە بازنەی چواری هەولێر 18 هەزار و 430 دەنگی بەدەستهێناوە، هەروەها دکتۆر سەباح سوبحی 16 هەزار و 798 کورسی بەدەستهێناوە، دکتۆرە "نەهلە"ـش 12 هەزار و 621ـی بەدەستهێناوە.
هەروەها لە بازنەی 3ـی پاریزگای هەولێردا جەسام مشیری ڕێژەی دەنگی کاندیدەکانی پارتی ئاشکرا کرد و ڕایگەیاند، ڕێبوار هادی 13 هەزار و 268 دەنگی بەدەستهێناوە، لەیلا ئەکرەمیش 8 هەزار و 436 دەنگی لە سنوورەکەدا بەدەستهێناوە.
جێی باسە، دوێنێ یەکشەممە 10ـی تشرینی یەکەمی 2021 هەڵبژاردنی پێشوەختەی ئەنجوومەنی نوێنەرانی عێراق لە سەرانسەری عێراق و هەرێمی کوردستان بەڕێوەچوو، چاوەڕوان دەکرێ پارتی دیموکراتی کوردستان زیاتر لە 31 کورسی بەدەستبهێنێت و بەهەمان شێوەی هەڵبژاردنی ڕابردووش بە حیزبی ژمارە یەکی عێراق بمێنێتەوە.
کۆمێنت (0)
تا ئێستا هیچ کۆمێنتێک نەکراوە.