سلێمانی.. له‌سه‌ر بوودجه‌ی شاره‌وانی بەبڕی زیاتر لە180 ملیۆن دینار شەقامی تووی مەلیک رووناک دەکرێتەوە

لەسەر بودجەی داهاتی 8% بەرێوەبەرایەتی گشتی كارەبای سلێمانی، پرۆژەی رووناککردنەوەی شەقامی توی مەلیک لەسلێمانی کەوتە بواری جێبەجێکردنەوە.
 لەوبارەیەوە هێمن عومەر قادر ئەندازیاری سەرپەرشتیاری پرۆژەکە رایگەیاند: پرۆژەکە بەبڕی (180.958.900) سەدو هەشتا ملیۆن و نۆسەدوپەنجاو هەشت هەزارو نۆسەد دینار جێبەجێ دەکرێت، کە بریتیە لەدانانی ئینارە بۆشەقامی توی مەلیک.
وتیشی: پرۆژەکە پێکهاتووە لەدانانی (30) ستوونی رووناکی و محاویلەیەکی کویسک، لەگەڵ دانانی (60) قاعیدەی لیدی ئەوروپی (150) وات کە شەوان ئۆتۆماتیک دادەگیرسێت و بەرۆژ دەکوژێتەوە، هەروەها لەپرۆژەکەدا (1100) مەتر کێبڵی 4×16 ملم دووجای موسەلەح و (90) مەتر کێبڵ 1×16 ملم دووجای ئەرزی بەکاردێت لەگەڵ دروستکردنی جەزرەوەسەتی بەپانی یەک مەتر.
پرۆژەکەش  لەماوەی چوار مانگدا سەرجەم کارەکانی تەواو دەبن.