نیوەڕۆى ئەمڕۆ یەکشەممە 2021/9/12 نێچیرڤان بارزانى، سەرۆکى هەرێمى کوردستان، پێشوازى لە عەبدلعەزیز ئەلشمەرى، باڵیۆزى شانشینى عەرەبستانى سعوودیە لە عیراق کرد.
لە کۆبوونەوەیەکدا باڵیۆزى سعوودیە سڵاوى خاوەنشکۆ شا سەلمان شاى عەرەبستانى سعوودیە و میر محەمەد بن سەلمان جێنشینى سعوودیەى بە نێچیرڤان بارزانى گەیاند، هەروەها برەودان بە پەیوەندییەکانى عیراق و هەرێمى کوردستان لەگەڵ عەرەبستانى سعوودیە، دۆخى عیراق و ناوچەکە بەگشتى، شەڕى دژى تیرۆر و مەترسییەکانى داعش و چەند پرسێکى دیکەى جێى بایەخى هاوبەشیان تاوتوێ کرد.
باڵیۆزى سعوودیە پشتگیریى وڵاتەکەى بۆ سەقامگیریى عیراق و ناوچەکە بەگشتى دەربڕى و هەردوولا جەختیان لە گرنگیى بوونى ڕوانگەیەکى هاوبەش و تێگەیشتن بۆ چۆنیەتیى چارەسەرکردنى کێشەکان و پاراستنى سەقامگیرى لە ناوچەکەدا، کردەوە.
کۆمێنت (0)
تا ئێستا هیچ کۆمێنتێک نەکراوە.