فراكسیۆنی پارتی دیموكراتی كوردستان، له په‌رله‌مانی كوردستان راگه‌یاندراوێكی بڵاوكرده‌وه و رایده‌گه‌ێنێت:
هاونیشتیمانیانی کوردستان، هەموو لایەک دەزانن هەرێمەکەمان لەماوەی ڕابردوو بەدۆخێکی ناخۆشی دارایدا تێپەڕی، چەندین تەنگەژەو بەربەست لەبەردەم کابینەی حکوومەتی هەرێمی کوردستان هەندێکیان دروستکران و هەندێکیان هەموو جیهانی گرتبۆوە، بەڵام ئارامگرتنی هاونیشتیمانیان و کۆڵنەدانی سەرۆک وەزیران و ئەندامانی کابینەکەی ئەوەی لێکەوتەوە کە ئەمڕۆسەرۆکی حکوومەت ڕایبگەیەنێت کە مووچەی هاووڵاتیانمان بەتەواوی دەدرێت.
فراكسیۆنی پارتی له په‌رله‌مانی كوردستان راشیده‌گه‌ێنێت: لێرەوە سوپاسی سەرۆکی حکوومەت و تەواوی ئەندامانی کابینەکەی دەکەین بۆ ماندووبوونیان لە ماوەی ڕابردووداو پشوو درێژییان لە چارەسەری کێشەکان، داواکارین بەردەوامبن لە چاکسازی ڕیشەیی لەهەرێمی کوردستانداو ئێمەش پاڵپشتیکاری کارنامەو کارە باشەکانیانین لەپێناو خزمەتکردنی میللەتەکەمان.
کۆمێنت (0)
تا ئێستا هیچ کۆمێنتێک نەکراوە.