وه‌رزشوانێکی کورد میدالیای زێڕی ئۆڵۆمپیادی تۆکیۆی له‌ پێشبڕکێی نیشانه‌شکێنی به‌ده‌ستهێنا

 
 له‌ ڕكابه‌رییه‌كانی ئۆڵۆمپیادی تۆكیۆ، وه‌رزشوانی كورد جه‌واد فروغی كه‌ له‌ ڕیزی هه‌ڵبژارده‌ی نیشانه‌شكێنی ئێران دایه، پله‌ی یه‌كه‌م و میدالیای زیڕی له‌ پێشبڕكێی نیشانه‌شكێنی جۆری ده‌مانچه‌ به‌ دووری ده‌ مه‌تر له‌ ئاستی پیاوان به‌ده‌ستهێنا.
 فروغی ته‌مه‌ن 42 ساڵ كه‌ خه‌ڵكی پارێزگای ئیلامه‌ ڕیكۆردێكی پێوانه‌یی نوێی ئۆڵۆمپی به‌ كۆكردنه‌وه‌ی 244 پۆینت هه‌شت خاڵ تۆماركرد.
 یاریزانی سڕبی دامیر میكێك پله‌ی دووه‌م و میدالیای زیوی پێشبڕكێكه‌ی به‌ 237 پۆینت نۆ خاڵی به‌ركه‌وت، پله‌ی سێیه‌م و میدالیای بڕۆنزیش بووه‌ به‌شی پانگ وی چینی به‌ كۆكردنه‌وه‌ی دووسه‌دوحه‌ڤده‌ پۆینت شه‌ش خاڵ .