رێڤه‌به‌رێ نه‌خۆشخانا كۆرۆنایێ ل دهۆكێ دیاركر کو هه‌ردوو نه‌خۆشخانه‌یێن كورۆنایێ ل دهۆكێ پر بووینه ژ تووشبوویێن كورۆنایێ و نوكه هزر ل وێ چه‌ندى دهێته كرن، جهه‌كێ دێ بهێته دیتن بۆ چاره‌سه‌ركرنا تووشبوویێن كورۆنایێ هه‌كه ره‌وش وه‌سا مه‌ترسیدار بمینت.
د. هه‌كار مسته‌فا، رێڤه‌به‌رێ نه‌خۆشخانا كۆرۆنایێ ل دهۆكێ راگه‌هاند: هژمارا تووشبوویێن كورۆنایێ دڤان رۆژاندا ب شێوه‌یه‌كێ مه‌زن بلندبوویە، نۆكه 150 تووشبوویێن كورۆنایێ دناڤ نه‌خۆشخانه‌یێندا چاره‌سه‌رى وه‌ردگرن و ره‌وشا وان نەیا باشە و رۆژانه هژمارا تووشبوویان یا زێده‌بیت.
د. هه‌كار مسته‌فا ، ئاشكه‌را ژی كر كو ژبه‌ر زێده‌بوونا هژمارا تووشبوویێن كۆرۆنایێ، ره‌وش گه‌له‌ك یا مه‌ترسیداره، هه‌كه وه‌لاتی هه‌ڤكار نه‌بن دێ پتر ره‌وش خراب بیت، له‌ورا داخوازى ژ خه‌لكێ خۆ دكه‌ین ڤاكسینێ كورۆنایێ وه‌ربگرن و پێگیریێ رێنمایێن ساخله‌میێ بكه‌ن بۆ روو ب رووبوونا كورۆنایێ.
رێڤه‌به‌رێ نه‌خۆشخانا كۆرۆنایێ ل دهۆكێ دا زانین ژی، وان هزر ل وێ چه‌ندى د كەن، هه‌كه ره‌وش وه‌سا مه‌ترسیدار بمینت، جهه‌كێ دێ بهێته دیتن بۆ چاره‌سه‌ركرنا تووشبوویێن كورۆنایێ.
کۆمێنت (0)
تا ئێستا هیچ کۆمێنتێک نەکراوە.