شارەوانی هەڵەبجە هاووڵاتییان ئاگادارده‌کاته‌وه‌

 
ئەمڕۆ یەكشەممە 18-7-2021 یەرۆكایەتی شارەوانی هەڵەبجە ئاگاداریەكی بڵاوكردەوە و رایده‌گه‌ێنێت: هاوشاریانی سنوری سەرۆکایەتی شارەوانی هەڵەبجە ئاگادار دەکەین بەمەبەستی دووربوون لە نەخۆشی و پاراستنی ژینگەو پاک و خاوێنی شار لەڕۆژانی جەژنی قوربانی پیرۆزدا بەهەموو شێوەیەک ئاژەڵ فرۆشتن لەشوێنی گشتی و شەقامەکان قەدەغەیە.
راشیده‌گه‌یه‌نن: ئەو هاوشاریە بەڕێزانەی بەنیازی قوربانی کردنن لەشوێنی گشتی ئاژەڵ سەرنەبڕن هەروەها پاشماوەی ئاژەڵی سەربڕاو لە شوێنە گشتیەکان فڕێنەدەن،بەپێچەوانەوە تیمەکانمان دەست بەسەرئاژەڵەکەدا دەگرن و سزای ئەو کەسەش دەدرێت کە پاشماوەی ئاژەڵ فڕێبدات.