یه‌كێتی تۆپی پێی ئه‌وروپا، خشته‌ی ڕكابه‌ریه‌كانی وه‌رزی داهاتووی خولی تۆپی پێی یانه پاڵه‌وانه‌كانی ئه‌وروپای به‌فه‌رمی بڵاوكرده‌وه.
یوفا له ماڵپه‌ڕی فه‌رمی خۆی ئاشكرای كرد كه تیروپشكی قۆناغی كۆمه‌ڵه‌كانی وه‌رزی داهاتووی چامپیۆنس لیگ له بیست وشه‌شی ئابی داهاتوو ڕاده‌كێشرێت.
یارییه‌كانی قۆناغی كۆمه‌ڵه‌كانیش له چوارده‌ی ئه‌یلوول ده‌ستپێده‌كات و تا هه‌شتی كانوونی یه‌كه‌م به‌رده‌وام ده‌بێت.
له سێزده‌ی كانوونی یه‌كه‌میش تیروپشكی قۆناغی شازده ڕاده‌كێشرێت و یاریه‌كانی ئه‌م قۆناغه له پازده‌ی شوبات تا شازده‌ی ئاداری ساڵی داهاتوو به‌ڕێوه‌ده‌چێت.
له هه‌ژده‌ی ئاداریش تیروپشكی هه‌ردوو قۆناغی چاره‌گی كۆتایی و پێش كۆتایی ڕاده‌كێشرێت، یاریه‌كانی ئه‌م دوو قۆناغه له پێنجی نیسان تا چواری ئایار ئه‌نجامده‌درێت و یاری كۆتایش له بیستوهه‌شتی ئایار له یاریگای سان پترسبۆرگ له وڵاتی ڕوسیا سازده‌كرێت.
جێگای باسه له وه‌رزی ڕابردوودا، یانه‌ی چێڵسی نازناوی چامپیۆنس لیگی بۆ دووه‌م جار له مێژووی خۆی به‌ده‌ستهێنا.
خشته‌ی ڕکابه‌رییه‌کانی وه‌رزی داهاتووی خولی تۆپی پێی یانه پاڵه‌وانه‌کانی ئه‌وروپا بڵاوکرایه‌وه
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.