ئه‌نجومه‌نی وه‌زیرانی عێراق بڕیاری داوه، به‌هۆی به‌رز بوونه‌وه‌ی پله‌كانی گه‌رمان سبه‌ی پێنجشه‌ممه له‌به‌غدا بكرێته پشوی فه‌رمی و ده‌سه‌ڵاتیش دراوه‌ته پارێزگاره‌كان، تا به‌هۆی به‌رزبوونه‌وه‌ی پله‌كانی گه‌رماوه پشو له‌داموده‌زگاكانی حكومه‌ت رابگه‌یه‌نن.
ئه‌مینداریه‌تی گشتی ئه‌نجومه‌نی وه‌زیران له‌راگه‌یه‌ندراوێكدا رایگه‌یاند: به‌هۆی به‌رزبونه‌وه‌ی پله‌ی گه‌رما بۆ په‌نجا پله‌ی سه‌دی یاخود زیاتر، به پشت به‌ستن به راپۆرتی ده‌سته‌ی گشتی كه‌شناسی، بڕیاردرا سبه‌ی پێنجشه‌ممه له‌سه‌رجه‌م داموده‌گا حكومیه‌كانی به‌غدا بكرێته پشوی فه‌رمی.
ئه‌وه‌شی خسته‌ڕوو، سه‌رجه‌م پارێزگاره‌كان ده‌سه‌ڵاتیان پێدراوه سبه‌ی پێنجشه‌ممه ئه‌گه‌ر پله‌كانی گه‌رما بگه‌نه سه‌روی په‌نجا پله‌ی سه‌دی، له‌داموده‌زگاكانی حكومه‌ت پشوی فه‌رمی رابگه‌یه‌نن.
له‌لایه‌كی دیكه‌شه‌وه، هه‌ریه‌ك له پارێزگاكانی نه‌جه‌ف و به‌سڕه رایانگه‌یاندوه، سبه‌ی پێنجشه‌ممه به‌هۆی به‌رزبوونه‌وه‌ی پله‌كانی گه‌رماوه، ده‌كرێته پشوی فه‌رمی له‌سه‌رجه‌م داموده‌زگاكان جگه له‌دامه‌زراوه خزمه‌تگوزارییه‌كان.
کۆمێنت (0)
تا ئێستا هیچ کۆمێنتێک نەکراوە.