دوای ماڵئاواییكردنی هه‌ڵبژارده‌ی پۆرتوگال له ڕكابه‌ریه‌كانی جامی نه‌ته‌وه‌كانی ئه‌وروپا، شاندی هه‌ڵبژارده‌كه گه‌ڕایه‌وه له‌شبۆنه‌ی پایته‌ختی ئه‌و وڵاته، پۆرتوگال له قۆناغی شازده‌ی جامی یۆرۆ به گۆڵێكی بێ به‌رامبه‌ر به به‌لجیكا دۆڕاو نه‌یتوانی پارێزگاری له نازناوی پاڵه‌وانێتیه‌كه بكات كه له ساڵی دووهه‌زاروشازده بۆ یه‌كه‌م جار له مێژووی خۆی به‌ده‌ستی هێنابوو.
له پاڵه‌وانێتی ئه‌مجاره‌ی جامی یۆرۆ و له قۆناغی یه‌كه‌مدا، هه‌ڵبژارده‌ی پۆرتوگال ته‌نها یه‌ك سه‌ركه‌وتنی له‌به‌رامبه‌ر هه‌ڵبژارده‌ی هه‌نگاریا به سێ گۆڵی بێ به‌رامبه‌ر به‌ده‌ستهێناو دواتر به دوو گۆڵ به‌رامبه‌ر به چوار گۆڵ به ئه‌ڵمانیا دۆڕاو له سێیه‌م یاریش به دوو گۆڵ له‌گه‌ڵ فه‌ڕه‌نسای پاڵه‌وانی جیهان یه‌كسان بوو.
هاوكات كریستیانۆ ڕۆناڵدۆ ئه‌ستێره‌ی هه‌ڵبژارده‌ی پۆرتوگال پێنج گۆڵی له جامی یۆرۆ تۆماركردو تا ئێستاش له پێشه‌نگی ڕیزبه‌ندی گۆڵكارانی پاڵه‌وانێتیه‌كه دێت.
دوای ماڵئاواییکردنی پۆرتوگال له یۆڕۆ شاندی هه‌ڵبژارده‌که گه‌ڕایه‌وه له‌شبۆنه‌ی پایته‌خت
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.