یٔەندامەکێ پەرلەمانێ هەرێما بەرلینا یٔەڵمانی سەرەدانا پارێزگارێ دهۆکێ کر

ئەڤرۆ رۆژا ئێکشەمبی رێکەفتی ٢٠٢١/٦/١٣ "د.عەلی تەتەر" پارێزگارێ دهۆکێ پێشوازیی ل  "هاکانتاش" ئەندامێ پەرلەمانێ هەرێما بەرلینا کۆمارا ئەڵمانیا و شاندەکێ کۆمەلا دۆستینیا کوردی-ئەڵمانی کر.
دهەڤدیتنێدا پارێزگارێ دهۆکێ بخێرهاتنا  "هاکانتاش" کر و سۆپاسیا سەرەدان و گرنگیا رەوشا پارێزگەها دهۆکێ و دۆماهی پێشڤەچوونێن دەڤەرێ و هەرێما کوردستانێ ژلایێ وان و کۆمارا ئەڵمانیا فیدرال کر و پاشان ئەندامێ پەرلەمانێ بەرلینی بیروبوچون و دیتنێن خۆ سەبارەت دەڤەرێ ب گشتی و هەرێما کوردستانێ و پارێزگەها دهۆکێ ب تایبەتی کر و راگەهاند ئەم گەلەک ب گرنگی بەرێخوددەینە پەیوەندیێن دگەل هەرێما کوردستانێ و ئەم هاتینە ژنێزیک ئاگەهداری رەوشا دەڤەرێ ببین و دبیاڤێن جودا دا هەول بدەین پەیوەندیێن مە خۆرتتر لێ بهێن.
پارێزگارێ دهۆکێ دپەیڤەکێدا ل دۆر دوماهی رۆیدان و پێشهاتان دانوستاندن دگەل شاندێ مێهڤانکر و هیڤی خواست ئەڤ بەرەف پێشچوونا پەیوەندیان خزمەتا بزاڤا ئاشتی و مرۆڤایەتی و پتر لێک نێزیکبوون وتێگەهشتنا هەردوو ئاڵیان بکەت.