مهكتهبی سیاسیی پارتی دیموكراتی كوردستان، به بۆنهی (46)همین ساڵیادی دامهزراندنی یهكێتی نیشتیمانی كوردستان، پهیامێكی پیرۆزبایی بڵاو كردهوه، ئهمه دهقهكهیهتی:
بۆ بهڕێز/ مهكتهبی سیاسی یهكێتی نیشتیمانی كوردستان
بهبۆنهی (46)همین ساڵیادی دامهزراندنی یهكێتی نیشتیمانی كوردستان، پیرۆزباییهكی گهرم له ئێوهی بهڕێز و ئهندام و لایهنگرانی حزبه تێكۆشهرهكهتان دهكهین و، هیوای بهرهوپێشچوون و سهركهوتنتان بۆ دهخوازین له كار و بهرنامهكانتان بۆ خزمهتگهیاندنی زیاتر به دۆزی رهوای گهلهكهمان.
یهكێتی نیشتیمانی كوردستان، هاوخهبات و هاوپهیمانێكی گرنگ و سهرهكی پارتیمان، پارتی دیموكراتی كوردستانه و، ھاوشان لهگهڵ هێز و لایهنه سیاسییهكانی دیكه رۆڵی كاریگهری ههبووه له بهدیهاتن و پاراستنی دهسكهوتهكانمان، بۆیه ئومێدهوارین لهو قۆناغهشدا بهههموو لایهك ههوڵ بدهین بۆ بهرزر اگرتنی بهرژهوهندییه باڵاكانی نهتهوهیی و نیشتیمانییهكانمان و، به گیانی بهرپرسیاریهتی و نیشتیمانپهروهریهوه به پێی پێویستی قۆناغهكه دهوری شیاوی خۆی ببینێ.
لهم یادهدا، جهخت دهكهینهوه لهسهر ههماههنگیی و تهبایی و یهكڕیزیمان شانبهشانی هێز و لایهنه سیاسیهكانی دیكهی كوردستان بۆ چارهسهركردنی كێشهو گیروگرفتهكان و دابینكردنی خۆشگوزهرانی و بهختهوهریی بۆ هاووڵاتیان و داكۆكیكردن لهو ئهزموونه و سووربوون لهسهر بهدیهێنانی تهواوی مافه رهواكانمان و پاراستی قهوارهی ھهرێمی كوردستان.
جارێكی دیكه پیرۆزباییتان لێدهكهین و ههر سهركهوتوو بن..
مهكتهبی سیاسی پارتی دیموكراتی كوردستان
1/6/2021
کۆمێنت (0)
تا ئێستا هیچ کۆمێنتێک نەکراوە.