چەند ته‌قینه‌وه‌یه‌ك له نزیك قوتابخانەیەک له کابوولی پایتەختی ئەفغانستان روویداوه، زیاتر لە 25 کەس کوژراون.
ئەمڕۆ شەممە 08-05-2021 وەزارەتی ناوخۆی ئەفغانستان بڵاویکردەوە، سێ لە تەقینەوەکان لە نزیک قوتابخانەی دواناوەندی کچانی سەیدولشوهەدا لە رۆژئاوای کابوول روویانداوە، له‌ئه‌نجامی ته‌قینه‌وه‌كان زیاتر له 25 كه‌س كوژران و زیاتر له 52 كه‌سی دیكه‌ش برینداربوون.
نەجیبە ئاریان وتەبێژی وەزارەتی پەروەردەی ئەفغانستان راگەیاندووە، خوێندنگاکە سێ دەوامی تیادا دەکرێت و دەوامی ناوەڕاستی بۆ کچانە و لەوکاتەدا تەقینەوەکە کراوە.
تەقینەوەکان لەکاتێکدان، ئەمریکا لە سەردەمی راگوزەردایە بۆ گواستنەوەی هێزەکانی لە ئەفغانستان، بڕیارە تاوەکو 11ی سێپتەمبەر تەواوی هێزەکانی لە وڵاتەکە بکشێنێتەوە.
کۆمێنت (0)
تا ئێستا هیچ کۆمێنتێک نەکراوە.