یه‌كێتی تۆپی پێی ئه‌وروپا به‌فه‌رمی ناوی ئه‌و یاریگایانه‌ی ئاشكراكرد كه یاریه‌كانی جامی یۆرۆی دووهه‌زاروبیست ویه‌كی تێدا به‌ڕێوه‌ده‌چێت.
به بڕیاری یوفا یاریگای وێمبلی له له‌نده‌نی پایته‌ختی به‌ریتانیا هه‌شت یاری پاڵه‌وانێتیه‌كه به‌خۆوه‌ده‌گرێت كه بریتین له سێ یاری قۆناغی كۆمه‌ڵه‌كان و دوو یاری قۆناغی دووه‌م و دوو یاری قۆناغی پێش كۆتایی و یاری كۆتایی، هاوكات یه‌كێتی تۆپی پێی ئه‌وروپا مافی میوانداریكردنی یاریه‌كانی جامی یۆرۆی له هه‌ردوو شاری دوبلنی پایته‌ختی كۆماری ئێرله‌نداو بلباوی ئیسپانیا سه‌نده‌وه، ئه‌ویش به‌هۆی نه‌بوونی مه‌رجی پێویست له یاریگاكانی ئه‌و دوو شاره.
هه‌روه‌ها چوار یاری له شاری سیڤیلیه‌ی ئیسپانیاو چوار یاری له شاری میونشنی ئه‌ڵمانیاو حه‌وت یاری له شاری سان پترسبۆرگی ڕوسیا سازده‌كرێت.
جێگای باسه ڕكابه‌ریه‌كانی جامی یۆرۆ پارساڵ به‌هۆی بڵاوبوونه‌وه‌ی ڤایرۆسی كۆرۆنا ئه‌نجامنه‌دراو بۆ ئه‌مساڵ دواخرا كه به بۆنه‌ی شه‌سته‌مین ساڵیادی ده‌ستپێكردنی پاڵه‌وانێتیه‌كه‌و به به‌شداری بیست وچوار هه‌ڵبژارده له یازده شاری وڵاتانی كیشوه‌ری ئه‌وروپا له یازده‌ی حوزه‌یران تا یازده‌ی ته‌مموزی داهاتوو به‌ڕێوه‌ده‌چێت.
ناوی ئه‌و یاریگایانه ئاشکراکرا که یارییه‌کانی جامی یۆرۆی2021ی تێدا به‌ڕێوه‌ده‌چێت
100%
كوردستان TV
کۆمێنت (0)
تا ئێستا هیچ کۆمێنتێک نەکراوە.