جۆبایدن،سه‌رۆكی ویلایه‌ته‌یه‌كگرتووه‌كانی ئه‌مریكا له په‌یوه‌ندییه‌كی ته‌له‌فۆنیدا له‌گه‌ڵ ره‌جه‌ب ته‌یب ئه‌ردۆغان،سه‌رۆك كۆماری توركیا رایگه‌یاندووه كه هه‌وڵ ده‌دات كۆمه‌ڵكوژی ئه‌رمه‌نه‌كان به جینۆساید بناسێنێ . كه كاتی خۆی عوسمانییه‌كان له ساڵی 1915 له‌دژی ئه‌رمه‌نییه‌كان ئه‌نجامیانداوه.
به‌گوێره‌ی سه‌رچاوه‌یه‌ك كه به تۆڕی هه‌واڵیی سی ئێن ئێن-ی راگه‌یاندووه، په‌یوه‌ندییه ته‌له‌فۆنییه‌كه‌ی نێوان بابدن و ئه‌ردوغان گرژی تێدابووه.
هه‌روه‌ها كۆشكی سپی له په‌یوه‌ندییه ته‌له‌فۆنییه‌كه‌ی سه‌رۆكی ئه‌مریكا و سه‌ركۆماری توركیا راگه‌یه‌ندراوێكی بڵاوكرده‌وه.
كۆشكی سپی ده‌ڵێت: بایدن، له په‌یوه‌ندییه ته‌له‌فۆنییه‌كه‌یدا له‌گه‌ڵ ئه‌ردۆغان جه‌ختی له فراوان كردنی هه‌ماهه‌نگییه‌كانی نێوان هه‌ردوو وڵات و به‌هێزكردنی په‌یوه‌ندییه‌كان، كردوه‌ته‌وه.
هه‌روه‌ها له راگه‌یه‌ندراوه‌كه‌دا هاتووه: ئه‌ردۆغان و بایدن له‌سه‌ر ئه‌نجامدانی كۆبوونه‌وه‌یه‌كی دووقۆڵی له میانه‌ی لوتكه‌ی ناتۆ رێككه‌وتن، بڕیاریشه له كۆبوونه‌وه‌كه‌دا گفتوگۆ له‌سه‌ر په‌یوه‌ندییه‌كانی نێوان هه‌ردوو وڵات و پرسه ناوچه‌ییه‌كان بكه‌ن.
کۆمێنت (0)
تا ئێستا هیچ کۆمێنتێک نەکراوە.