وه‌كو زانراوه له‌كاتی به‌رۆژوو بوون بۆ ماوه‌ی 14 كاتژمێر ،جه‌سته‌ی مرۆڤ وشك ده‌بێته‌وه ،له‌و كاته‌شدا ئاو فاكته‌رێكی گرنگه بۆ مرۆڤ ، چونكه چه‌ندین رۆڵ و ئه‌رك له‌جه‌سته‌ی مرۆڤ ده‌بینێت به جۆرێك به‌گشتی ،ئاو له 60 – 70% كاریگه‌ری له‌سه‌ر كێشی مرۆڤ هه‌یه، بۆیه زۆر گرنگه له مانگی ره‌مه‌زان رێژه‌یه‌كی زۆری ئاو له جه‌سته‌مان دا هه‌بێت، بۆ ئه‌وه‌ی له‌و كاریگه‌ریه نه‌رێنیانه له‌سه‌ر جه‌سته‌ی مرۆڤ وه‌كو سه‌ر ئێشه و سه‌رسوڕانی، لێنه‌كه‌وێته‌وه.
به 6 رێگا ده‌توانیت به سه‌ر تینیووتی له مانگی ره‌مه‌زان دا زاڵ بیت:
1- ماست: یه‌ك كوپی ماست 85 % ئاو له خۆده‌گرێت ، بۆیه تا ده‌كرێت ، گرنگه له ژه‌مه‌كانی خواردن ،له مانگی ره‌مه‌زاندا ماست (ماستاو) بیخۆیت .
2- دووركه‌وتنه‌وه له ئاره‌قه كردن: وه‌رزش كردن یان وه‌ستان له به‌رخۆر ده‌بێته هۆی ئه‌وه‌ی ئه‌و ئاوه‌ی له جه‌سته‌دا ببێته هه‌ڵم ،به‌م شێوه‌یه‌ش رێژه‌ی ئاو له جه‌سته‌ی مرۆڤ كه‌م ده‌بێته‌وه ،بۆیه تاده‌كرێت له وه‌رزش كردن و وه‌ستان له به‌رخۆر دووركه‌وه.
3- دووركه‌وتنه‌وه له خواردنه‌وه‌ی قاوه: ئه‌گه‌ر چی زۆر گرنگه له‌دوای بانگی مه‌غریب تا بانگی به‌یانی قاوه بخۆیته‌وه ،به‌ڵام به‌هۆی بوونی ماده‌ی كافی له نێو قاوه و چا وا له جه‌سته‌ی مرۆڤ ده‌كات هه‌موو شله‌مه‌نی له‌جه‌سته‌ت بێته ده‌ره‌وه، بۆیه تاده‌كرێت خواردنه‌وه‌ی قاوه كه‌م بكرێته‌وه.
4- ئه‌و خواردنانه بخۆ كه رێژه‌یه‌كی زۆری ئاوی تێدایه: هه‌وڵ بده ئه‌و خۆراكانه بخۆیت ، كه رێژه‌یه‌كی زۆر ئاوی تێدایه به تایبه‌تی میوه‌و سه‌وزه‌وات وه‌كو خه‌یار ، سێو ، كاڵه‌ك ، شووتی .
5- دووركه‌وتنه‌وه له خواردنی خوارده‌مه‌نی تیژ و توون و سوێر: خواردنی ئه‌و ژه‌مه خواردنه‌وه‌ی كه زۆر تیژ و سوێرن ،كاریگه‌ری له‌سه‌ر گه‌ده‌ی مرۆڤ ده‌بێت ،بۆیه تا ده‌كرێت دوور كه‌وه له خواردنی ئه‌و جۆره خوارده‌مه‌نیانه‌ی ،كه زۆر تیژو سوێرن.
6- گه‌رماو كردن به رۆژ: زۆرگرنگه به‌رۆژ به‌ئاوی سارد گه‌رماوێك بكه‌یت ،ده‌توانی خاولییه‌كی ته‌ڕ له‌سه‌ر روخسارو و له‌سه‌ری خۆت به‌ئاڵانێیت ، بۆ ئه‌وه‌ی جه‌سته‌ت چالاكی بۆ بگه‌رێته‌وه.
ژێده‌ر - ئاژانسه‌كانی هه‌واڵ
ئا- كامران
کۆمێنت (0)
تا ئێستا هیچ کۆمێنتێک نەکراوە.