باره‌گای بارزانی په‌یامێكی سه‌ره‌خۆشی ئاراسته‌ی خانه‌واده‌ی عه‌بدوڵڵا شێخۆ دۆغره‌مه‌چى ده‌كات.
ده‌قی په‌یامه‌كه:
به‌ناوی خودای به‌خشنده و میهره‌بان
به‌ڕێزان، خانه‌واده‌ی عه‌بدوڵڵا شێخۆ دۆغره‌مه‌چی
به‌داخێكی زۆره‌وه هه‌واڵی كۆچی دوایی كه‌سایه‌تی دیاری شاری هه‌ولێر كاك(عه‌بدوڵڵا شێخۆ دۆغره‌مه‌چی)مان پێگه‌یشت.
پرسه و سه‌ره‌خۆشی ئاڕاسته‌ی خانه‌واده به‌ڕێزه‌كه‌تان و ته‌واوی خزم و دۆست و ئاشنایانی خوالێخۆشبوو ده‌كه‌ین، خۆمان به‌هاوبه‌شی خه‌می هه‌موو لایه‌ك ده‌زانین.
له خودای گه‌وره داواكارین له‌م كۆسته‌دا به دڵنه‌وایی و ئارامی به‌خشین خانه‌واده به‌ڕێزه‌كه‌تان و خزم و كه‌سوكارتان به‌سه‌ر بكاته‌وه و گیانی خوالێخۆشیبوو كاكه عه‌بدوڵڵا شێخۆ دۆغره‌مه‌چی به‌ر دلۆڤانی خۆی بخات و به به‌هه‌شتی به‌رینی شاد بكات.
انا للە و انا الیە راجعون
باره‌گای بارزانی
12ـی3ـی2021
کۆمێنت (0)
تا ئێستا هیچ کۆمێنتێک نەکراوە.