ناوەندە ئەمنییەکانی حکومەتی ئێران لە شاری بانە پێنج هاووڵاتیی کوردیان دەستبەسەر کرد و تا ئێستا هۆکاری دەستبەرکردنەکەیان روون نەبووەتەوە.
بە گوێرەی هەواڵی رێکخراوی مافی مرۆڤی هەنگاو، دوێنێ سێشەممە 29ی 12ی یه‌كه‌می 2020، هێزەکانی ئیدارەی ئیتڵاعاتی شاری بانە، پێنج هاووڵاتیان دەستبەسەر کردووە و بۆ شوێنێکی نادیاریان گواستووەتەوە.
به‌پێی زانیارییه‌كان ناسنامەی سێ کەس لەو دەستبەسەکراوانە بەم جۆرەیە"محەممەد کەریمی، زاهیر خودایی و باسید حاجی جەمال"ە.
بە وتەی سەرچاوەیەکی ئاگادار، هێزەکانی ئیدارەی ئیتلاعاتی بانە، باسید و زاهیریان لە پێش نەخۆشخانەی رازی و محەمەدیان لە ماڵی خۆی دەستبەسەر کردووە.
تا ئێستا هۆکاری دەستبەسەرکردنی ئەم پێنج هاووڵاتیە و ئەو تۆمەتانەی رووبەڕوویان کراوەتەوە و روون نەبووەتەوە.
کۆمێنت (0)
تا ئێستا هیچ کۆمێنتێک نەکراوە.