چێڵسی سه‌رکه‌وتنی به‌سه‌ر وێستهام یونایتد تۆمارکرد

له‌ هه‌فته‌ی چوارده‌می خولی ئینگلته‌را، یانه‌ی چێڵسی میوانداری یانه‌ی وێستهام یونایتدی كرد، له‌ ئه‌نجامدا یاریه‌كه‌ به‌ سێ گۆڵی بێ به‌رامبه‌ر له‌ به‌رژه‌وه‌ندی چێڵسی به‌ كۆتاهات .
له‌ گێمی یه‌كه‌م و له‌ خوله‌كی ده‌ تیاگۆ سیلڤای به‌رازیلی گۆڵی یه‌كه‌می یانه‌كه‌ی به‌ده‌ست هێنا، گێمی یه‌كه‌م به‌م تاكه‌ گۆڵه‌ی چێڵسی ته‌واو بوو .
 له‌ گێمی دووه‌م چێڵسی جموجۆڵی زیاتری به‌ خۆوه‌ ده‌بینی ، تا له‌ خوله‌كی حه‌فتاو هه‌شت تامی ئه‌براهام گۆڵی دووه‌می چێڵسی تۆماركرد ،دوو خووله‌ك دوای ئه‌م گۆڵه‌ تامی ئه‌براهام به‌خۆی نه‌وه‌ستاو دووه‌م گۆڵی خۆیی و سێیه‌می یانه‌ی چێڵسی به‌ده‌ست هێنا .
به‌م ئه‌نجامه‌ش چیڵسی به‌ بیستوپێنج خاڵ له‌ پله‌ی پێنجه‌م ده‌مێنێته‌وه‌ و وێستهام یونایتدیش به‌ بیستویه‌ك خال له‌ پله‌ی ده‌یه‌مه‌ .