سێ رۆژە ئاگرەكەی دارستانێكی توركیا كۆنتڕۆڵ نەكراوە

ماوەی سێ رۆژە ئاگر لە دارستانی بۆردوبەت لە ناوچەی هیسارئۆنو لە قەزای مارماریس كەوتووەتەوە و هێشتا ئاگرەكە بەردەوامە. 
بۆ ئەم مەبەستە لە زەوی و ئاسمانەوە هەوڵی دامركاندنەوەی ئەو ئاگرە دەدرێت كە لە دارستانێكی قەزای مارماریس لە پارێزگای موغڵا كەوتووەتەوە.
كرێكارانی دارستان و تیمەكانی ئاگركوژێنەوە بە درێژایی شەو لە زەوییەوە هەوڵی دامركاندنەوەی ئاگرەكەیان دا و لە بەرەبەیانیشەوە دەست كراوە بە هەوڵەكان بۆ دامركاندنەوەی ئاگرەكە لە ئاسمانیشەوە.
تیمەكان بە چڕی بەردەوامن لە هەوڵەكانیان بۆ دامركاندنەوەی ئاگرەكەو بەڵام هیچشتا نەیان توانیوە كۆنترۆڵی ئاگرەكە بكەن.