شاری ئامەد لە باکووری کوردستان، بەردەوامە لە بوون بە یەکێک لە ناوچە سەرەکییەکانی گەشتیاری بەهۆی سروشتە هەمەجۆر و دیمەنە سەرنجڕاکێشەکانیەوە. لەم چوارچێوەیەدا، دەریاچەی بەنداوی دیجلە لە قەزای ئێرگانی، بووەتە جێگەی سەرنجی گەشتیاران و سروشتدۆستان.
ئەم دەریاچەیە بە ئاوە شینە فیرۆزەییەکەی و ئەو دوورگە بچووکانەی لەناو دڵیدا هەڵکەوتوون، ناوبانگی دەرکردووە، تا ئەو ڕادەیەی گەشتیاران نازناوی "ماڵدیڤی ئامەد" یان لێناوە.
تێکەڵبوونی ڕەنگی سپی تەباشیریی خاکەکەی لەگەڵ ڕوونی و سازگاریی ئاوەکەیدا، تابلۆیەکی سروشتیی سەرنجڕاکێشی دروست کردووە کە لە ناوچەکەدا دەگمەنە. ئەمەش وای کردووە شوێنەکە ببێتە وێستگەیەکی گرنگ بۆ ئارەزوومەندانی وێنەگرتن و ئەو کەسانەی بەدوای ئارامیی سروشتدا دەگەڕێن.
کۆمێنت (0)
تا ئێستا هیچ کۆمێنتێک نەکراوە.