یەکەم ڕۆژی ڕاکردنی گا لە چوارچێوەی فێستیڤاڵی بەناوبانگی جیهانیی سان فێرمین لە شاری پامپلۆنای ئیسپانیا بەڕێوەچوو.
ڕۆژی دووشەممە، 7ـی تەمووز، فێستیڤاڵی سان فێرمین لە ئیسپانیا، بە ئامادەبوونی هەزاران کەس کە زۆربەیان جلی سپی و ملپێچی سووریان لەبەرکردبوو دەستی پێکرد.
چالاکییەکە، بە 'ئێنسیێرۆ' ناسراوە، کاتژمێر 08:00ـی بەیانیان بۆ ماوەی حەوت رۆژ بەڕێوەدەچێت. شەش گا بەردەدرێنە سەر شەقام و بە درێژایی 850 مەتر بەرەو گۆڕەپانی گا بازیی شارەکە ڕادەکەن.
ڕاکەرەکان، کە لە هەموو جیهانەوە هاتوون، هەوڵ دەدەن تا دەتوانن نزیک لە گاکانەوە بن و خۆیان لە کەوتن و برینداربوون بە قۆچی گاکان بپارێزن، کە ئەمەش دیمەنێکی پڕ لە دڵەڕاوکێ و مەترسی دروست دەکات.
فێستیڤاڵی سان فێرمین یەکێکە لە کۆنترین و ناودارترین فێستیڤاڵەکانی ئیسپانیا کە ساڵانە سەرنجی هەزاران گەشتیار ڕادەکێشێت. هەرچەندە چالاکییەکە بەشێکی سەرەکیی کەلەپووری ناوچەکەیە، بەڵام هاوکات ڕووبەڕووی ڕەخنەی توندی چالاکوانانی مافی ئاژەڵانیش دەبێتەوە.
کۆمێنت (0)
تا ئێستا هیچ کۆمێنتێک نەکراوە.