بارزانیێ نەمر دگۆت (شانازییە مرۆڤ خزمەتکارێ میللەتی خۆ بێت ) ....

ل هەر تەنگاڤیەکێ چاڤێ مرۆڤی یێ ل کەس و کارێن مرۆڤی بەری هەر کەسی د هاوارا مرۆڤی بێن دەمێ ل مرۆڤی د قەومت، پشتی ئەڤ عەرد هژینا ل باکورێ کوردستانێ و رۆژئاڤا قەومی، ب هەزارەها مللەتێ مە یێ کورد ل بن دار و بەرا دا گیانێ خو ل دەستدان و بریندار و پەریشان بین خانی و بالەخانەیێن وان ب سەر سەرێ وان دا هاتن خارێ، وێنێن جەرگ پڕ مەدیتن کا چاوا پیرەکال و دایک و باب زارۆک و کچ و بوکێن وان کەتن بن دیوارا و یێن ساخ ژ ی ل سەر کەلەخێن خو د کرنە هاوار و گازیێن وان ل بەر ئەزمانا د سەکەنین کا چاوا دێ کەلەخێن وان ژ بن بالەخانێن روخاندی هێنە دەر ، کو کەس ژ مە نەبوو رۆندک ژ بو ڤان مرۆڤا نەباراندین ئەڤ جار چ تورک بن چ کوردبن چ عەرەبن ئەرکەکی مرۆڤاتیێ یە هەر کەسێ پێ چ بت د هاوارا ڤان زیانڤێکەفتیا بچت و دەستێ هاریکاریێ ژ بو وان درێژ کەت باشە ، ژبەر کو باکوور و رۆژئاڤایێ کوردستانێ  رووبەرووی کارەساتەکا مەزن بوویە زیانڤێکەفتیێن عەرد هەژینێ گەهشتینە رێژەکە بلند ل تورکیا نێزیکی (۲۲،۳۲۷) هەزار کەسا گیانێ خو ژ دەست دایە و(۸٠،۹۸۷) هەزار کەس بریندار بینە  و بتر ژ (۹٠،٠٠٠) هەزار کەسی دەربەدەربینە و نێزیکی (۱۱،۲۲۳) بالەخانە زیان پێ کەفتیە و هاتینە روخاندن، هەر وەسا رۆژئاڤایێ کوردستانێ ژی (٥،۱۲۸)کەس بینە قوربانی و (۷،۲۲٦) کەس برینداربینە ،  بەلێ قەدەرا مە کوردا ئەڤە بوو ئەڤ عەرد هەژینە ل سەر ئاخا کوردستانێ بو چ کوردستانا رۆژئاڤا چ کوردستانا باکوور خەلکێ مە ژی دناڤ دا هاتە سۆتن و مالوێرانکرن، ژبو ڤێ بریناکۆر و دەردێ بێ دەرمان خەلکێ کوردستانێ ب برینا خو زانین ئەڤا هاتی سەرێ وان کارەساتەکا مەزنە فەرە حکومەت و گەلێ کوردستانێ ب هەمی پێکهاتێن خو یێن ئاینی و نەتەوەیێ ڤە د هاوارا لێقەومیان ڤە بچن، ئەو بو هەر ئێکسەر رێبەرێ گەلێ کورد سەرۆک مەسعوود بارزانی هاتە سەر خەتێ، د پەیاما خودا راگەهاند دەرهەقی ڤێ موسیبەتێ: سەرەخۆشیێ ل مالباتێن قوربانی و زیانڤێکەفتیێن بیڤەلەرزا رۆژا دوشەمبی 6 شواتا سالا 2023یێ لتورکیا و سووریێ دکەت و ب هەڤخەمێ مالباتێن قوربانی و زیانڤێکەفتیان دیار کریە و هیڤیا چارەسەرەبوونێ بۆ برینداران خواست ، ژ خەمخۆریا گەلێ کوردستانێ ژ بو نەتەوا کورد و هەر چار پارچێن کوردستانێ هەر  کارەکی نەخوازیار رویبدەت گەلێ مە ب دەرد و برینێن خو دزانن لەوا  ب بریارا سەرۆکێ حکومەتێ هه‌وا کۆمڤەکرنا کۆمەک و هاریکاریێ بۆ بەرکەفتیێن کارەساتا ئەرد هەژینێ ل باکور و رۆژئاڤایی کوردستانی وەک کارەکێ مرۆڤایەتیێ هاتە راگەهاندن و سەرتاسەری کوردستانێ هەوا کۆمڤەکرنا کۆمەک و هاریکاریێ دەست پێ کر دەزگەهێ خێرخوازێ بارزانی ئێک ژ وان دەزگەهێن خێرخوازە ل هەرێما کوردستانێ کار د کەت ل دیف دروشمێ ( شانازیە مرۆڤ خزمەت کارێ مللەتێ خو بت) ل سەرگۆتنا بارزانیێ نەمر ل دەمێ شۆرەشا ئەیلولا مەزن گۆتی ، ئارمانجا دەزگەهێ خیرخوازێ بارزانی خزمەتگوزاری و خێرخوازیا د هەر بوارەکی دا( کۆمەلایەتی ، رەوشەنبیری، و (هاریکاریا مرۆڤی) هاریکاریا ( کەسانێن خودان پێداویستیێن تایبەت کەسێن کەم دەرامەت ، ئاوارە ، پەنابەر ، ژبەر رۆلێ وێ یێ بەرز و ئەو هاریکاریا ئاوارە و پەنابەرێن ل سنورێ دەزگەهێ خێرخوازێ بارزانی کرین ل هەر جهەکی دنیایێ مرۆڤ پێتڤی هاریکاریێ بت بێی جوداهی هاریکاری گەهاندینە، گەلەک رێکخراوێن جیهانی پەیوەندی دگەل ڤێ رێکخراوێ هەنە و ب هەماهنگی دگەل دەزگەهێ خێرخوازێ بارزانی دروست بینە و هاریکاریا خەلکێ لێقەومیان د کەن ل هەر جهەک هەبت، ژ لایەکئ دیڤە ژبەر کار و خزمەت و کەدا ڤی دەزگەهی ل هەیڤا ۲٠۱٦/٤ێ کارگیری و هەماهنگیا نەتەوەیێن ئێکگرتی بریار دا دەزگەهێ خێرخوازێ بارزانی وەکو رێکخراوەکا ناحکۆمی ببێت  بە ئەندام / راوێژکاری تایبەت ل ئەنجومەنێ ئابوری کۆمەلایەتی ئیکۆسۆک (Ecosl) ی سەر ب نەتەوەیێن ئێکگرتی ڤە ، هەر رۆژا ئێکێ و بێ رکابەر دەزگەهێ خێرخوازێ بارزانی گەهشتا باکوور و هاریکاری گەهاندن خەلکێ کوردستانا باکوور و رۆژ بو رۆژێ کاروان ب رێکەفت و کەل و پەلێن پێتڤی گەهاندن و تا ڤی ساتە وەختی بەردەوامە جهێ دلخوشی یە گەلێ مە یێ کوردستانێ کو سەرۆکێ تورکیا رەجەب تەیب ئەردوغان ب پەیوەندیەکا تەلەفونی سوپاسیا سەرۆک بارزانی کر ژ بو ڤێ هاریکاریا ب لەز و هانا گەلێ تورکی هاتین ، لێ جهێ داخێ بو ئەڤە دوو رۆژ بون کاروانێ خێرخوازیا بارزانی هاتیە بەرهەڤکرن بۆ رۆژ ئاڤای کوردستانێ و دڤێت هارکاریێ ب گەهینن لێقومیێن بومەلەرزا رۆژئاڤا وەکی گەهاندین باکوور، بەلێ ژ لایێ هندەک لایەنێن میلیشیاتێن دەسهەلاتا پە کە کێ ڤە نەدهێلان دەرباسی رۆژئاڤا بن ئەڤ هاریکاری حکومەتا هەرێما کوردستانێ ب گەهتا عەفرینێ و دەڤەرێن دیتر ژ لایێ ئیدارا پە کە کێ ڤە ل رۆژئاڤای کوردستانێ پشتی دوو رۆژا و چەندین هەول هاتیە دان ب هیچ رێکەکێ رازی نەبوون ئەو کۆمەک و هاریکاری ب گەهن خەلکێ عەفرینێ و جەندریس و ب فەرمی تیمێن حکۆمەتا هەرێما کوردستانێ ئاگادارکرن ب هیچ رەنگەکی رێکێ نادەن هیچ هاریکاری ژ هەرێما کوردستانێ ب گەهت رۆژئاڤا ، ئەو ژ نەچاری کاروانێ خو ژ دەروازێ براهیم خلیل ڤەگوهاستن بو دەروازێ خابور و دناڤ ئاخا تورکا دا دەرباسی کوردستانا رۆژئاڤا بوون 
خەلکی عەفرینێ ب ئالایێ کوردستانێ و گرین ڤە پێشوازیێ ل دەزگەهێ خێرخوازیێ بارزانی کرن و گۆتن «عاش بارزانی»و ب درۆشمێن نەتەوەی پێشوازیا کاروانێ هاریکاریا دەزگەهێ خیرخوازی یێ بارزانی کرن ئەڤە ژی جهێ سەرفرازیا گەلێ کوردستانێ یە وەک یەکەم رێکخراوا مرۆڤایەتی گەهشتا ناڤ سنورێ رۆژئاڤای کوردستانێ و گەهشت عەفرینێ ، هەر هەمان سیناریو بو پەکە کێ دگەل پێشمەرگەهی ژی کری ل دەمێ د هاوارا خەلکێ کۆبانێ چوین ژ بو بەرنگاربوونا داعش هنگی ژی پەکەکێ رێگری ل پێشمەرگەهی گرتن تورکا داگیرکەرا دەستوری دا پێشمەرگەهی دەرباس بن و کۆبانێ رزگارکر ، ئەز نزا ئەڤە چ کوردینی و نەتەوایەتی یە پەکەکە و ئاپۆچی د کەن گەلێ مە یێ رۆژئاڤا ل ڤێ تەنگاڤیێ و ب هەزارا کەس دبن دار و بەرا دا و ڤێ سڕێ و سەرمایێ د بێ خانی و مال و حزرەتا وان ئاڤ و نانەک حکۆمەتا هەرێما کوردستانێ د هاوارا برایێن خو یێی رۆژئاڤا بچن رێگری لێ بهیتە کرن، دێ بلا شەرمەزاربن و ببینن کا چاوا خەلکێ عەفرینێ ب ئالایێ کوردستانێ ب روندکێن چاڤا ب گازی و هاوار بادکەنە بارزانی دڤیا ب زانن دەزگەھێ بارزانی یە کۆ مروڤ دوستی یا گەلێ کوردستانێ نیشا ھەمی جیھانێ ددەت . ب وە سەربلندین هەردەم شانازی ب هەوەدکەین خەلکێ سەر بەرزێ عەفرینێ ژ بو ڤێ پێشوازیێ....