سەختیا کوردبونێ و ستەما داگیرکارێن کوردستانێ پارتی دامەزراند!
نڤیسینا : ھۆگر نێروەیی
پارتی دیموکراتی کوردستان، ل قوناغ و ھەلومەرجەکێ سەختا کوردبونێ دامەزری، دامەزراندنا پارتی نەژبوو دژبەریا شەخس و پارتەکێ بوو و نە دوژمناتیا نەتەوەیەکا دن بوو و نەژبوو بەرژەوەندیا بنەمالەکێ بوو، بەلکو پارتی پارتەکا تمام نیشتیمانییە کو دروستبونا پارتی بتنێ ئامرازەک بوو بۆ گەھشتا ئارمانجەکا مەزنتر کۆ تەڤ چین و توێژێن جڤاکی بتەڤ رەنگ و ئایدۆڵۆژیان لژێر چەترا نیشتیمانیبونێ کومبکەت ژبۆ ڕەتکرنا ستەما وڵاتێن داگیرکار.
ل وی دەمی پارتی دامەزری کوردبوون ل سەختیێ سەختربوو کوردبون ل گۆپیتکا سەختبونێ بوو، ل وی دەمی نەدراڤ ھەبوو نە کۆشک و تەلار نە چەک نەکەسێ ژی دزانی ساخ دێ مینیت یان مری، لێ بتنێ ئیرادەیەکا بھێز یا کوردبونێ ھەبوو کۆ پربوو ژوان مێرخاسان یێن جانێ خوە لبەریا ھەر تشتەکێ دانابوو کوە گوری ئازادکرنا کوردستانێ بکەن. ب وێ ئیرادا بھێزا ل بابەلیسک و توفانان بھێزتر پارتی شۆرەش بەرپاکرد لدژی ستەما زوحاکێن ئێک ل دیف ئێکێن عیراقێ.
دامەزراندنا پارتی وەچەرخانەکا دیروکی و گرنگ بوو ل بزاڤا رزگاریخوازا گەلێ کوردستانێ دا، لوی دەمی شۆناسی نەتەوەیا کوردان بەرەڤ نەمانێ دچوو بدامەزراندنا پارتی زیندی بووڤە، پارتی ئالایێ قەدەغەکری کوردستانێ لجەم وڵاتێن نەحەز و داگیرکار ل چیایێن کوردستانێ بلندراکر تا گەھاندیە کوشکێن والی و میر و پاشایێن ولاتێن جیھانێ، زمانێ دایک یێ قەدەغەکری کوردی کرە زمانێ فەرمی یێ نەتەوەیی. دەما پارتی دامەزری جارەکادن بەرخودانا نەتەوا کورد زیندووبەڤە برۆحیەتا سەردەمێ مھابادێ بڕێبەریا بارزانیێ نەمر کو ھەڤسەنگەرێ شەھیدێ زیندی شەھید قازی بوو. پارتی کورد ل خێل و بنەمال و جیاوازیا زاراڤان ئینانە دەرێ و کوردستان بوون کرە مەژیا تاک ب تاکێ کورداندا کو پاشەڕۆژا تەڤ کوردان ب ھەڤرا گرێدایە ب درۆشمێ یان کوردستان یان نەمان دەست بشۆرەش و خەباتا خوەکر.
پارتی شەڕعیەت دا کو نەتەوا کوردژی مینا تەڤ نەتەوێن دن خۆەدیێ دۆزەکا رەوایە، کۆ کورد خۆەدیێ زمان و کلتور و ئاخ و نیشتیمانێن خوەنە. پارتی و نەتەوا کورد تمامکەرێن ھەڤ بوون، دەما پارتی دامەزری نەتەوەکا کورد پێتڤیەکا زەروری بپارتەکا نیشتیمانییا مینا پارتی بوو، پارتی ژی پێتڤی ب خۆڕاگری و بەرخودانیا نەتەوا کورد بوو بۆ دەستڤەئینانا تەڤ مافێن ڕەوایێن نەتەوەیەکا ژێردەست و ستەملێکری.
پارتی کو دچیتە ژیێ 76 ساڵیا خوەدا چانتا وێ پڕە ژ دەستکەفت و سەروەری و شۆرە و داستانان، ل بەھارا ژیێ خوە دەست ب شۆرەشا ئەیلولا مەزن کرد کو دئەنجامدا بۆ ئێکەم جار مافێ ئۆتۆنۆمی بۆ نەتەوا کورد زامن کرد ب دانپێدانا وڵاتەکێ داگیرکارێ کوردستانێ، پشتی رێکەفتنا جەزائیر کو تەڤ جیھان جارەکادن نەیاریا خوە بۆ نەتەوا کورد خۆیاکر، دوژمن و داگیرکارێن کوردستانێ شەرابا سەرکەفتنێ ڤەدخار و دگوت ئێدی ڕۆژا ئاسمانێ کوردان بتمامی ئاڤابوو ئێدی ھەلناھێتەڤە، لێ پارتی جارەکادن سەرکێشی کر دماوەکێ کێم شۆرەشا گولانێ بەرپاکر شەرابا دوژمنان لێکرە ژەھر، کۆ شۆرەشا گولانێ ئەو ئومێدبوو یال ناڤ بێئومێدیان دروستبووی. ل دەما داوی ھاتنا شەڕێ ھەشت سالی یێ ئیران و عێراقێ رژێما بەعس تەڤ فوکسا خوە ئێخستە سەر وان ناوچێن پێشمەرگێن پارتی لێ خەباتدکر بۆ داوی ئینانا بزاڤا کوردی لێ پارتی کێمتر ب ھزار پێشمەرگان شکەستنەکا مەزن بۆ سۆپایێ مەزنێ رژێما بەعس ئینا و پاشەڤە زڤراندن و رژێما بەعس بھزاران کوشتی دیف خوە ھێلان و سەدان سەربازێن وان ئێخیسربوون ددەستێن پێشمەرگاندا و داستانا مەزنا خواکورکێ تومارکر.
پارتی سەرکردایەتیا بەرەیێ کوردستانێ کرد سەرھلدان بەرپاکر دوژمن دەرئێخست ل پرانیا شارێن باشورێ کوردستان کو پەرلەمان و حکومەت و دامەزراوێن دن بەرھەمێ سەرھلدانێ بوون بۆ ئێکەم جار کورد ل دیروکێ بوونە خوەدیێ دامەزراوێن فەرمی ب رێیا دەنگدانا دیموکراسی و نیمچە ھەرێمەک دامەزراند، ل دەرئەنجامدا پشتی ژناڤبرنا رژێما بەعس دەستورەک نوی نڤیسا و ھەرێما کوردستانێ تێدا چەسپاند بشەڕعیەتدانا وڵاتێن نیڤدەولەتی. پارتی مافێ چارەنڤیسێ گەلێ کوردستانێ ل دروشمان کرە کردار ل ئەیلولا سالا 2017 پراکتیزەکر، وی دەمی سەرۆک بارزانی ب تەڤ جیھانێ گوت نەخێر ب گەلێ کوردستان گوت بەڵێ و ڕیفراندۆم ڕەخساند. کول ریفراندۆمێ بۆ ئێکەم جار ل دیروکێدا گەلێ کوردستانێ ب ئازادانە بڕیار لسەر مافێ چارەنڤیسێ خوەدا کۆ بدرێژایا دیرۆکێ ھەر جارێ کۆلۆنیالیزما(داگیرکاریا) وڵات و ئیمبراتوریەت و مامەلکەتان بریار ل سەر مافێ چارەنڤیسێ گەلێ کوردستانێ دا کو تەڤ جاران کورد بێ ماف دکرن.
پارتی کورد ئینانە لناڤ ھاوکێشەیێن سیاسی ل نەبونێ ئینانە ھەبونێ، لشوینا بژاردا ڕادەستبونێ کو نەبون ھژماردکرن بژاردا رێکەفتنێ بۆ کوردان ئینا ھەبونێ کوردان ژی ئێدی بریار ل سەر مافێن خوەدان. پارتی پارتەکا دیموکراسی یە باوەریەکا تمام بھەڤرا ژیانێ ھەیە و میتۆد و ئایدۆلۆژیا پارتی کوردستانی بوونە، تەڤ رەنگێن جیاواز موسلمان و مەسیحی ئێزدی و کاکەیی تەڤ ئولان بێ جوداھی ل باوەشا خوەدگریت ل سەر بنەمایێ نیشتمانینی بوونێ، چوو ئایدۆلۆژیا و ئولەکێ ب سەر یێ دن نائێخیت بەلکو بتنێ باوەری ب پرەنسیپێ یەکسانی بوون و دادپەروەریێ ھەیە. پارتی ھەر دەسپێکا دامەزراندنا خوە تا نھا قوتابی کرە سەرەرم، لاو کرە پاشەرۆژ، بەشداری بئافرەتێ کر لتەڤ جومگێن دەسھەلاتێ بێجوداھیا رەگەزی.
پارتی ل بنەرەت دا مینا ھەر پارتەکادی بتنێ پارتە لێ ئارمانج و پرەنسیپێن پارتی ھەردەم ل پارتان مەزنتر بوویە، ناسیۆنالیزما کوردی ب رێبەریا سەرۆک بارزانی سنورێن دەستکردێن سایکس بیکۆ شکاندن دەما پێشمەرگێن باشۆرێ کوردستانێ دھەوارا کۆبانا رۆژئاڤایێ کوردستانێ چووی بۆ وێ یەکێ کۆبانێ نەکەڤیتە دەستێن چەپەڵێن خەلافاتا ئیسلامێ ل عیراق و شامێ (داعش) دا. پارتی ل باشۆرێ کوردستانێ دامەزریە لێ چوجاران بتنێ خەباتا وێ بۆ پارچەکێ یان تنێ ئالیگرێن خوە نەبویە بەڵکو خوەب ب خەمخورو نوینەراتیا تەڤ کوردان کریە ل ھەر چار پارچێن کوردستان ل ھەر جھەکێ تاکێ کورد لێ بویە دھەوارێ چوویە شەرکریە ل سەرمافێن وان، ھندجاران ژی ل زێدەیی شیانێن خوە بۆ ھەمی لایەکێ مەزاختینە باج و قوربانی ژی دایە ل سەر ھەڵویستیێن خوە لێ پارتی دامەزریە قوربانیێ بدەت چونکە پێناسەیا جەوھەرا پارتی نیشتیمانیە نەتەوەیی یە کوردە پاشان پارتە.
١٦ی تەباخێ ڕۆژا دامەزراندنا پارتی و ژدایکبونا سەرۆک بارزانی ل تەڤ پارتی و کوردستانیان پیرۆزبێت
