هه‌رێما كوردستانێ پشتی راپه‌رینا ١٩٩١ دا ده‌ستهه‌لاته‌كا خوجهیا كوردی و كوردستانی بخوڤه‌گرت ,بێگومان ژ ئه‌نجامێ خه‌باته‌كا درێژۆ قوربانیدانه‌كا مه‌زن یا گه‌لێ مه ل باشور و پشته‌ڤانیا گه‌لێن مه یێن هه‌ر چوار پارچێن كوردستانێ و هه‌ڤپه‌یمانێت نێڤده‌وله‌تی ژئه‌گه‌رێ دوزا گه‌لێ مه یا ره‌وا و سه‌ركردایه‌تیه كا راسته‌رێ,
ئه‌ڤرۆكه كوردێن كوردستانا باشور ده‌ستهه‌لاتدارێن ڤێ پارچا كوردستانێ نه دگه‌ل هه‌می لایه‌نێن دی یێن ب ناڤێ كێم نه‌ته‌وه دهێنه نیاسین ,
ته‌وه‌رێن ده‌ستهه‌لاتداریا هه‌رێمێ بو سێ ره‌هه‌ندان ڤه‌دخوینین
١/پارتی و ئێكه‌تی دووهێزێن سه‌ره‌كی و خودان نفوس وده‌ستهه‌لات و باگره‌وه‌ندێ وان یێ نه‌ته‌وی ژ هه‌می باگره‌وه‌ندێن دی بهێزتره .
٢/پارتێن ئیسلامی هه‌ر ژ بزوتنه‌وا ئیسلامی هه‌تا نوكه باگره‌وه‌ندێ وان یێ ئیسلامی ژ هه‌مئ باگره‌وه‌ندێن وان یێن دی بهێزتره.
٣/ ئوپوزسیوناعلمانی باگره‌وه‌ندێ وان یێ علمانی ژ هه‌می باگره‌وه‌ندێن وان یێن دی بهێزتره تنێ خودانێن په‌یاما خوه ئا پوپولیستی نه
ئه‌رێ نه‌بوونا هه‌ردوولایه‌نێن ئوپوزسیونی )ئیسلامی و علمانی( چ كارتێكرن لسه‌ر بزاڤا رزگاریخوازا كوردی و پێشڤه‌چوونا سیسته‌مێ هه‌رێما كوردستانێ یان سه‌ردابرنا جڤاكێ كوردی دا دا ؟؟هه‌بیتن
١/پارتێن ئیسلامی :ب نێرینا مه و ژێروارێ كلتوری و كارگێری یێ هه‌رێماكوردستانێ و خه‌لكێ وێ وه‌سادبینم ب هه‌بوون یان نه‌بوونا ڤان پارتێن ئێسلامی ب شوه‌كێ گشتی چ گهورینێن مه‌زن نه‌كرن سه‌ر هزرا خه‌لكێ مه چونكی رێژا هه‌ره زۆر یا خه‌لكێ مه موسلمانن و سه‌ركردێن وان شێخ و سه‌ید و مه‌ڵا بووینه و هه‌ر كریاره‌كا ده‌ستهه‌لاتێ ڤیایه بكه‌تن و ئه‌نجام نه‌دابیتن نه ژ ترسا پارتێن ئیسلامی بویه به‌لكئ نه‌ئه‌نجامدانا وی كاری بوهندێ بویه شیرازا جڤاكێ كوردی تێك نه‌چیتن و كار نه‌كه‌ته سه‌ر سوزا ئه‌ندام و لایه‌نگرێن ده‌ستهه‌لاتێ چونكی رێژا هه ری زێده یا ئه‌ندام و لایه‌نگرێن هه‌ردوو پارتێن ده‌ستهه‌لاتدار موسلمان بوینه , بێ گومان هه‌بوونا وان نابینم خراب بیتن بو سه‌ر ئاسایشا نه‌ته‌وی لێ دڤێتن به‌راستی ب ده‌ورێ خوه یا ئاڤاكه‌ر راببن و تاكێ كورد پتر ئاڤابكه‌ن و دا به‌ره‌ڤانیێ ژ شه‌ره‌ف و كه‌رامه‌تا گه‌لێ خوه بكه‌ن و نه‌بنه ئاله‌ت بو فكره‌كێ یان پارته‌كا ئومه‌می, پارتێن مه یێن ئیسلامی نه‌بووینه پارتێن توندره‌و ئه‌ڤجا ئه‌گه‌ر ئه‌وه كو ده‌ستهه‌لات وهێز نینه یان د بنیاتدا پارتێن میانره‌ون؟.
٢/ ئوپوزسیوناعه‌لمانی :بێ گومان هه‌بوونا ده‌ستهه‌لاته‌كا فره حزبی و په‌رله‌مانه‌كێ فره ره‌نگین ئێك ژ سیمایێن دیموكراسیێ نه ل هه‌روه‌لاته‌كی و ئوپوزیسونه‌كا ئاڤاكه‌ر بو هه‌رملله‌ته‌كی و ل هه‌رێماكوردستانێ قوناغا ئوپوزسیونا چالاك ل ٢٠٠٩ هاته پێك ئینان ب په‌یاما خوه یا پوپولیستی شیان هه‌ستا خه‌لكه‌كی ب ئازرینن و رێژه‌كا ده‌نگان بده‌سڤه‌بینن و به‌لانسا دروست بكه‌ن د بریارا سیاسی و هه‌یكه‌لێ رێڤه‌برن و بریاردانێ ل هه‌رێما كوردستانێ دا یێدی وه‌ك عرفه‌كێ سیاسی پارتێن ئوپوزسیونی زێده‌بوون , لێ ژبه‌ركو بنیاتێ ئاڤاكرنا وان ئه‌و نه‌بوویه كوردستانه‌كا بهێزتر ئاڤابكه‌ن به‌لكو ئارمانجا وان هه‌رفاندن و لادانا هه‌ردووپارتێن ده‌ستهه‌لاتداربوو د ئه‌نجامدا چرایێ وان یێ گه‌ش رۆژ بو رۆژێ ل كێمی دا وبه‌ره‌ڤ ڤه‌مراندنێ دچیتن ,
پێخه‌مبه‌رێ مه )موحه‌مه‌د( سلاڤ لێ بن دبێژیت هه‌می كریار ژ ئنیه‌تێ ده‌سپێدكه‌ن و دڤێت ئنیه‌ت یا راست و پاقژ بیتن
دوماهیا وتارا من بو هه‌ردوو پارتێن ده‌ستهه‌لاتدار ئه‌ڤه‌یه ئه‌رێ ئه‌گه‌ر هووین ب باوه‌ری و ڤیان ب رینن خوار و ده‌ست داننه سه‌ر برینا و سولحه‌كا نه‌ته‌وی یان عه‌شایری ژی بیتن هووین دشێن هه‌رێماكوردستانێ و خه‌لكێ وێ ژ كه‌نارێن قه‌یران و فكرێن توندره‌و و بازگانیا سیاسی دویربێخن و خه‌لكێ موسلمان و علمانی لایه‌نگر و ئه‌ندام و خه‌باتكارێن رێبازێن هه‌وه‌نه بڤی ره‌نگی دێ ده‌ڤێ هه‌می پارتێن ئیسلامی وپوپولیستی یێن به‌رژه‌وه‌ندی خواز هێته زنجیركرن و خه‌لك تنێ هه‌وه ب خودانێ قه‌زیا ملله‌تێ خوه دنیاسن .
