Erbil 15°C پێنجشەممە 28 ئازار 12:02

"۱٦ ئوکتوبەرێ خیانەتەکا نیشتیمانی بوو دژی دەسکەفتین ب خۆین و خەباتێ  بدەستڤەهاتی"

دڤێ ڕوژا رەش و تالیادا نەخوش هەمی خەلکێ کوردستانێ و باژێرێ کەرکوک و پێشمەرگەهێن قەهرەمان روندکێن ژدەستدانا نیڤەکا خاکا کوردسانێ دبارندن
100%

نڤیسین:جیگر رەشید هەرکی

پشتی ئەنجامدانا ڕیفراندووما سەربخۆییا کوردستانێ و سەرکەفتنا ڤێ پروسا گرنگ و پیرۆز کۆ بەرهەمێ خۆین و خەباتا سەد سالیا بزاڤا ڕزگاریخوازیا کوردان بوو ، هەر زوی و بلەز وەڵاتێن دژە کوردستانی کەفتنە پیڵانگێریان ژبو هەلوەشاندنەوەیا ئەنجامێ مەزن یێ ڕیفڕاندوومێ و نەهێڵانا ڤێ قەوارەیا دەستوری ، عێراق و وەڵاتێن دژە کوردستانی رێکارێن بهێز و دژایەتین دژۆار بەرامبەر کوردستانێ گرتنەبەر وەک: داخستنا سنوران، داخستنا دەرگەهێ گفتوگویان، رەتکرنا ئەنجامێن ڕیفڕاندوومێ، گەفکرنا هێرشان بو سەر کوردستانێ.
پشتی ل هەڤهاتن و گفتوگویێن هەرسێ دەولەتێن داگیرکەر (عێراق،ئیران،تورکیا) پیلانەک دارێژت کو قەوارەیا دەستوری یاکوردستانێ نەهێلن و ئەنجامێ ڕیفڕاندوومێ هەلوەشینن ، ژبو ڤێ یەکێ وان دڕێیا بکارئینانا ڵایەنەکێ سیاسی ل کوردستانێ ڕێککەفتنەکا نهێنی و پڕی خیانەت دگەل بەشەکێ ئێکەتی ئەنجامدا بو هندێ دا هاریکاربن ژبو داگیرکرنا ڤان ناوچێن کوردستانی ئەوێن پێشمەرگەهێن قەهرەمان بخۆینێ ئازادکری و پشتی هنگی قەوارەیا کوردستانێ بتەمامی هەلوەشینن، پشتی کو بەشەکی ئێکەتی کەفتیە ژێر بارێ داخوازیێن داگیرکەران و ئامادەبوون خەنجەرا ژەهرێ ل دەنگێ زەڵالێ کوردان بدەن و خیانەتێ ل پێشمەرگەها و دەسکەڤتێن وەڵاتی بکەن و خێرو بێرا وەڵاتی پێخنە دەستێ داگیرکەران. سەرۆک وەزیرێ عێراقێ "حەیدەر عەبادی" ب پیڵان و بەرنامەیەکی دروست هێرشکرن بو سەر کوردستانێ و ناڤچەیێن کوردستانی راگەهاندی،ئەڤ بوو ل (۱٦)ی ئوکتوبەرا ساڵا(۲۰۱۷)هێرشەکا بەرفراوان یا عێراقێ بو سەر کەرکوک دەسپێکر ، ل هندەک میحوەرێن شەری پێشمەرگەی بەرگریەکا توکمه ب تەمامی بەرپەرچی هێرشێن داگیرکەرێن عێراقێ دبوون ، لێ بداخەکا مەزن بەشەکێ ئێکەتی کو پێشتر لسەر فروشتنا خاک و وەڵاتی وخیانەتا نیشتیمانی پێکهاتبوون بەرامبەر هندەک دەسکەفتێن مادی بەرگری نەکر و هەمی ناوچەیێن شەڕی ڕادەستی هێزێن عێراقێ کرن و هەتا کەرکوک بتەمامی هاتیه داگیرکرن، دڤێ ڕوژا رەش و تالیادا نەخوش هەمی خەلکێ کوردستانێ و باژێرێ کەرکوک و پێشمەرگەهێن قەهرەمان روندکێن ژدەستدانا نیڤەکا خاکا کوردسانێ دبارندن، ئەڤ خیانەتە د مێژوویا کوردایەتیێدا بمەزنترین خیانەتا نیشتیمانی هاتە بنڤاکرن ، چنکی  پیڵانەکا بهێزبو درێکا بکار ئینانا هندەک کالفام و هەرزەکار و ڵایەنێن خوفروش یێن نافخوی هاتیە ئەنجامدان.
پشتی داگیرکرنا کەرکوک هێزێن حەشدا شەعبی یا عێراقێ و ب هەڤکاریا ئیران و تورکیا و ب هەڤالبەندی و ڕێبەریا خاکفروش و وەڵات فروشان هێرش بو سەر دەروازەیێن نێڤدەولەتی یێن کوردستانی و هەولێر دەسپێکری ، ئەوبو پێشمەرگەهێن قەهرەمان ل میحوەرێ پردێ و سحێڵا و مەحمودیێ داستانێن مەزن تومار کرن و خونەچەماندن کرە فەرهەنگا سەرکەفتنێ دهەمی چەپەرێن بەرگریێدا ، پێشمەرگەهێن قەهرەمان شیان هێرشێن وان راگرن و مەزنترین چەکێ دونیایێ ژناڤبر کو تانکەکا ئەبرامز یا ئەمریکی بوو .

ئەڤ خیانەتا نیشتیمانی و پیڵانا هەرێمێی زێدەتر پەیوەندیێن سیاسی ل کوردستانێ و لسەر ئاستێ نێڤدەولەتی بێهێز و ڵاوازکرن ، ئەڤ خیانەتا مەزن بویە ئەگەرا هندێ کو زۆربەیا وەڵاتان دەرگەهێن گفتۆگۆیان و پەیوەندیێن دیبلوماسی ل سەر هەرێما کوردستانێ دائێخستن.
پشتی وان هەمی بویەرێن تاڵ و دژوار سەرکردەیێن راستەقینەین کوردایەتیێ دەرکەفتن جەنابێ "سەرۆک بارزانی" چیا ب دووستێن راستەقینەیێن کوردا بناڤکرن ، داخویا کرن کو هندەک خائینان خەنجەرا ژەهرکری ل پشتڤە دانا هەمی دەسکەفتێن کوردا کو ب خەباتەکا مەزن هاتبونە بدەست ڤەئینان ، ئەڤ پەیڤێن گران کارتێکرنە کا زۆر هەبوو لسەر ئاستێ نێڤدەولەتی و هەر زوی وەڵاتێ "فرەنسا" درێکا سەروکایەتیا هەرێما کوردستانێ دەرگەهێن دیبلوماسی لسەر کوردستانێ ڤەکرن و "نێچیرڤان بارزانی" و جیگرێ وی ئێکەم سەرەدان ژبوو فرەنسا ئەنجامدا دگەل سەرۆکێ ڤی وەڵاتی کۆمبۆن و ب ئاڵایێ پیروزێ کوردستانێ و نڤیسنا کوردی پێشوازیەکا گەرم ل شاندا کوردستانێ هاتەکرن ، ئەڤێ سەرەدانا گرنگ و دیڕوکی و چارەنفیساز کورد ڤەگەراندنە مەیدانا دیبلوماسی لسەر ئاستێ نێڤدەولەتی، هەمی ئەو دەرگەهێن پشتی خیانەتا ۱٦ئوکتۆبەرێ لسەر کوردستانێ هاتیە گرتن هاتنە ڤەکرن.
بەرهەم و پاداشتێ  هەمی وان کەس و لایەنێن دژایەتیا کوردستانێ کری و خیانەتا نیشتیمانی کری ئەڤ بوو هەمی ئەو دەسکەفتێن کوردان کو ب خەبات و خوینێ بدەستڤەئینابوون  لناڤچوون.
 ل دوماهیێ ناسناڤێ خائین,خاکفروش,هەرزەکار,و۱٦ ی ئوکتوبەر, بو ناڤونیشانەکێ مەزن و کەفتە د ئەرشیڤا زبلدانا مێژوویێدا و خائینان باجەکا مەزن وەرگرت بو هەتا هەتای ڕوی ڕەش و شەرمزار مان.

کوردستان

ڕیکلام

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.