هه‌ڤده‌م د گه‌ل پێشڤه‌چونا مرۆڤایه‌تی یێ و به‌رفره‌هیا ئازادی یێ، و هه‌بۆنا ئنئترنێتێ وه‌کریه،کو گه‌له‌ک که‌س ڤێ ده‌لیڤێ بو خۆ ب ره‌خسینین ژ بو شکاندنا که‌سێ به‌رامبه‌ر و ئازراندا گه‌له‌ک بابه‌تا ب شێوه‌کێ دور ژ هامی داب و نه‌ریتان.
ل ڤێره دخازم بتنێ باسێ کوردێن ده‌رڤه‌ی وه‌لاتی ب تایبه‌ت ئه‌وروپا دژین بیکه‌م ، ژبه‌ر ئه‌و سیاسه‌تا دوژمنا هه‌مبه‌ر گه‌لێ کورد گرتیه به‌ر، نه‌بونا مافێن سه‌رکی یێن تاکێ کورد وه‌ک کریه ، کۆ ژماره‌کا زۆر رێکا ده‌رڤه‌ی وه‌لاتی بگرن و ل وه‌لاتێن جیهانێ ئاکنجی ببین .ژیانا ده‌ربه‌ده‌ری یێ یا ب سناهی نینه، مرۆڤ پێتڤیه یه گه‌له‌ک خۆ ماندی بیه‌ت تا د گه‌ل کاروانێ ڤان وه‌لاتا ب رێڤه بچیتن، ئه‌گه‌ر نه دێ گه‌له‌ک پاشڤه زڤریتن و ناگه‌هیه چ ئارمانجا.
ل وه‌لاتیێن ئه‌ورۆپی بو خۆ گه‌له‌ک یاسا و بریار ده‌رکری نه ژ بو په‌یره‌وکرنا دادپه‌روه‌ری یێ و راده‌ربرینا ئازاد، و گه‌له‌ک سیسته‌مێ جیوان داناینه ،یه‌ک ژ وان سیسته‌ما( سۆسیاله)، سیسته‌مێ سۆسیالێ بو وه‌لاتیێن خو دانایه، ژ وان که‌سا دگریت یێ کۆ نکارن کارن بیکه‌ن ، به‌رامبه‌ر حکۆمه‌ت هاریکاریا وان دیکه‌ت ژ بو به‌رده‌وام ژیانا وان، و په‌یره‌وکرنا دادپه‌روه‌ری یێ، به‌س ئه‌ڤ چه‌نده ژی مه‌رجێن خۆ هه‌نه ، ئه‌وژی ئه‌وه کو ب هه‌ر ئه‌گه‌ر نه کرای بیت کاری ب ده‌ست خۆ ڤه بێخیت.
ل ده‌مێ گه‌هشتنا په‌نابه‌را بۆ ڤان وه‌لاتان ، گه‌له‌ک ژ وانا ئه‌ڤ سیسته‌ما بۆ هاتیه په‌یره‌وکرن،چمکی ده‌ستپێکێ ده‌مێ مروڤ د گه‌هیته ڤان وه‌لاتا،ژبه‌ر نه‌زانینا زمان و کلتورێ ڤان وه‌لاتان، یا ب سناهی نینه مرۆڤ کاری ب ده‌ست بێخیت، به‌س گه‌له‌ک که‌سان و ژماره‌کا زۆر ژ په‌نابه‌رێن کورد ئایندێ خو و زارۆکێن خۆ ب به‌تالی یێ ڤه گرێدایه و که‌تینه سه‌ر ڤی سیسته‌مێ، دئه‌نجاما دا به‌رده‌وام پارێ سۆسیالێ وه‌رگرتی یه و ل مال به‌تال ماینه بێ کۆ ب خوینین یان کار بیکه‌ن( نه که و ب خو) ، به‌س پشتی برۆینا ده‌می ل مال و به‌تالی و نه‌بۆنا هه‌ڤالان و خه‌ریبی بۆ یه ئه‌گه‌ر ئه‌ڤ که‌سه توشی خه‌موکی یێ ب بین و د ناڤ ڤان کۆمه‌لگه‌ها دان به‌رزه‌بیبن .
پشتی په‌یدا بۆنا ئنترنێتێ و سوسیال میدیا ژماره‌کا زۆر ژ ڤان که‌سا کارێ خۆ کریه ب کارئینا نا سۆسیال میدیا و ره‌خنه گرتنێ، دیاره ره‌خنه ل هه‌می سازییێ وه‌لاتێن دیمۆکراسی کاره‌ک پیرۆزه و ژ هه‌می په‌یره و پرۆگرامیێن پارتێن سیاسی و دیمکراسی هاتیه سه‌پاندن، د گه‌ل بۆرینا هه‌می سه‌رده‌میێ ژیانێ هه‌می ده‌ما که‌سیێ نه‌رازی هه‌بۆ نه و ره‌خنه گرتی یه ، ئه‌ڤجا ره‌خنا ئاڤه‌که‌ر بیت یان ژی خرابکه‌ر.
ئه‌ڤرو ژماره‌کا زۆر ژ وان کوردیێن په‌نابه‌ر ل ئه‌ورۆپا د ژین کۆ هه‌تا نوکه ژی سه‌ر سۆسیالا ڤان وه‌لاتان د ژین و کارێ خۆ کریه ب کارئینا سۆسیال میدیا، خه‌به‌ر و ئاخفتنین کرێت سه‌ر هه‌می پیرۆزیین کوردستانێ د بێژین، بێ کۆ هه‌ست ب په‌رپرسایه‌تێ بیکه‌ن و هیزر د مێژو و قۆربانییا وه‌لاتێ خو بیکه‌ن، هه‌ر ئاخفتنه‌کا نه شرین د بێژن داکو ب تنێ چه‌ند لایک بۆ بهێن، ئه‌وانا ژ بیر کریه کۆ وه‌لاتیێن کوردستانێ قۆربانیین زۆر داینه بۆ ئازادی و ته‌ناهی یێ، به‌س ئه‌ڤرو هینده‌ک که‌س ل مالێن خۆ و به‌رامبه‌ر لاپتۆپێ خۆ راوستاینه، هه‌می که‌رب و کینا داریژنه سه‌ر پیرۆزیین وه‌لاتێ خۆ ب خه‌به‌ران و ئهانه‌کرنێ. گه‌له‌ک ژ وانا ژی ناڤێ ( چالاکڤان) ل خۆ کرینه ، به‌س ئه‌گه‌ر گۆهداریا وان بیکه‌ی، چ په‌یام و ئاراسته‌کرن د ئاخفتنێن وان دانینه، چمکی ئه‌و ره‌خنێ ل هه‌می که‌سا و هه‌می پارتا و هه‌می پیرۆزیێن کوردستانێ د گرن.
به‌روڤاژی که‌سانێن دلسۆز ژی هه‌نه ل ڤان وه‌لاتان دژین ، خۆ گۆنجاندی یه د گه‌ل کولتورێ وه‌لاتێن تێدا دژین،د خوینین،کار دیکه‌ن ، و ره‌خنێن ئاڤاکه‌ر ژی د گرن کۆ ئه‌ڤه‌ژی مافێ وانه ،چمکی ئه‌وان خۆ و کلتور و مێژویا خۆ ژبیر نه‌کری یه، و د خازن کوردستان ژی وه‌کی هه‌می وه‌لاتیێن دیمۆکراسی ب بیته پێشه‌نگا دیمۆکراسی یێ و دادپه‌روه‌ری یێ د ده‌ڤه‌رێ دا، و پێتڤی یه جهێن ده‌سهه‌لات گۆهداریا وان بیکه‌ن.
