هەر د دەستپێکا دامەرزاندنا دەزگەهێ خێرخوازییێ بارزانی ل سالا 2005، کاری وی دەزگەهێ ئەو بوو خزمەتا خەلکێ کوردستانێ ب تەڤایا ئول وپێکهاتەیان ب بێ جداهی د 11 سێكته‌ران بکە، کو ئەو ژی لگور گوتنەکە بارزانیێ نەمر کو ئەمر دکە و دبێژە شانازییە کو مروڤ خزمەتکارێ مللەتێ خوە بە . د هەر کریزەکێ دا دەزگەهێ خێرخوازییێ بارزانی خوە ب خودانێ تەڤ کریزێن مروڤایه‌تیێ زانییە ، کو ئالیکاریێن خوە بگەهینە وان کەسێن ، کو هەوجەدارن ، ئەڤ ل رێیا ڤەکرن و بەرفرەهـ کرنا ئوفیسێن خوە ل تەڤایا باژار و باژارۆکێن هەرێما کوردستانێ و د نها ژی دا گەهاندنا ئالیکاری ب وەلاتێن دن ، کو وەلاتی یێن وان هەوجەدارن ، ئەڤە ژی وێ یەکێ خویا دکە ، کو رێبازا پیروزا بارزانیێ نەمر بەردەوامە ل خزمەتکرنا مروڤایەتیێ ل تەڤایا جیهانێ .
دخوازم وێ یەکێ خویا بکەم کو دەزگەهێ خێرخوازییێ بارزانی د سالێن ده‌رباسبوویی دا و تەڤی هاتنا پێلا ئاوارە و کوچبەرێن ، کو بەر ب هەرێما کوردستانێ هاتی وەک کوردێن مە یێن رۆژئاڤایێ کوردستانێ ل سالا ۲٠۱۱ و ئاوارەبوونا هژمارەکە زێدە یا عەرەبێن ناڤینا عێراقێ تەڤی هاتنا رێخستنا تەروریستی یا داعشێ ل سالا ۲٠۱٤ ، دەزگەهێ خێرخوازییێ بارزانی بوویە سەرڤگێرا تەڤ وان مالباتێن کو بێ جهـ وار بوونە و تەڤ ئالیکاری ژی پێشکێشێ وان هەوجەداران کرن ڤیجا نە تەنێ ژبۆ ئاوارە و کوچبەران ، لێ بەلێ ژبۆ وان کەسان ژی یێ دناڤا هەرێما کوردستانێ هەوجەدارن وەکە کریزین لەهییا و هەوجەدارێن تایبەت و مالباتێن سەر بلندێن شەهیدان و ئەنفالکرییان و زارۆکێن بێ سەمیان کو بناڤێ ( پرۆژەیێ ئازیزان) دهاته ناسین و دابین كرنا ته‌ڤایا وان هه‌وجه‌داریێن كو خه‌لكێ كێم ده‌رمه‌ات یێ كوردستانێ ڤیچا چ نه‌خوه‌شی به یان ژی هه‌وجه‌داریین دن به .
ژئالییەکێ دن ژی دەما کو رێخستنا تەروریستی یا داعشێ ئێرش ژبۆ سەر ئاخا پیروزا کوردستانێ دەستپێکری دەزگەهێ خێرخوازییێ بارزانی بەردەوام وەک ئەرکەکێ نیشتمانی ئالیکاری دگەهاندنە هێزێن پێشمەرگەیێ کوردستانێ .
هەروەها د سالا ۲٠۱۹ ل دەما دەستپێکرنا خوەنیشاندانێن خەلکێ عێراقێ ژبۆ دەستخستنا مافێن خوە یێن رەوا وەکە خزمەتگوزاریێن دەستپێکی ، هژمارەکە زێدە ب سەدەما وان خوەنیشاندان جانێ خوە ژ دەست دا و ل سەر راسپاردەیا سەرۆک بارزانی ، دەزگەهێ خێرخوازییێ بارزانی ئالیکارییا ماددی و مەعنەوی پێشکێشێ مالباتێن وان کەسان کر و هەروەها ئالیکاریێن خوە گەهاندن خەلکێ هەوجەدار یێ وەلاتی بورما و چەندین جهێن دن ژی .
د نها ژی دا دەزگەهێ خێرخوازییێ بارزانی ، کو ڤایرۆسا کۆرۆنایێ بەلاڤ بوویە ، وەک هەرگاڤ بەردەوامە ل ئالیکاریێن خوە ژبو وان کەسێن کێم دەرامەت و كو ب سەدەما قەدەغەیا هاتن و چوونی ب رێیا چەندین هژمارین تەلەفۆنێ ب هێلا گەرم .
دەزگەهێ خێرخوازییێ بارزانی به‌ر ب ده‌زگه‌هه‌كێ نێڤده‌وله‌تی پێنگاڤان تاڤێژه ، كو ژبال به‌ریتانیایێ موله‌تا كار كرنێ وه‌كه ده‌زگه‌هه‌كێ نێڤده‌وله‌تی پێ هاته دان و د نها دا دكاره ل به‌ریتانیا و هنه‌ك وه‌لاتێن دن یێن سه‌ر ب به‌ریتانیایێ كارێن خوه یێن خێرخوازیێ پێك بینه .
وه‌كه تێ زانین ل سه‌ده‌یێن ده‌رباسبوویی دا ، ده‌ما كو به‌ریتانیا هكومرانییا عێراقێ د كر وه‌ك داگیركاره‌كێ ، به‌رده‌وام دژایه‌تییا بزاڤا رزگاریخوازا كوردستانێ دكر و ئێرش ل هه‌مبه‌ر سه‌ركرده و رێبه‌رێ بزاڤا رزگاریخوازا كوردستانێ و هزرا بارزان پێك د ئانی و د نها ژی دا دانپێدان و موله‌تا كار كرنێ ب دەزگەهێ خێرخوازییێ بارزانی دده . ئه‌ڤه ژی سه‌ركه‌فتن و ده‌ستكه‌فته‌كه دن ژبۆ گه‌لێ كوردستانێ .
