به‌رێ ساله‌كێ ئه‌ڤه بوو گۆتاره‌كا من، ده‌مێ من ئاماژه یێ دایی كو ده‌سپیًكا پێكئینانا جیهانه‌ك نووتر بۆ خوه‌گه‌هاندنا كنارێ ئێمن پشت وان هه‌می هه‌ره‌شه و قه‌یرانێن هاتینه سه‌ر هه‌رێما مه ب حوكمه‌ت و ملله‌ت ڤه، هینگی مه ب ڤێ ره‌نگی نڤیسابوو كو ئێك ژ ئه‌گه‌رێن هه‌ری مه‌زن ب درێژیا دیرۆكێ كوردستان بمینیت بنده‌ست و سته‌ملێكری، دووربوونا وێ ژ ناڤه‌ند و مه‌حافلێن نێڤده‌ولی و په‌یوه‌ندیێن وێ ژ جیهانا ده‌رڤه و ئه‌و وه‌لاتێن زلهێز و مه‌زن، لێ پشتی كو ره‌وشا هه‌رێما كوردستانێ پله‌یه‌كێ به‌ر ب پێشڤه‌تر ڤه چووی، ئه‌وبوو كیانه‌كێ نیمچه سه‌ربخوه وه‌رگرتی، پشتی هینگی ده‌ڤه‌ر گه‌رمبووی حه‌تا ئه‌ڤرۆ كو پتر بیاڤ و ده‌رگه‌هێن ل سه‌ر جیهانێ، ئێدی ده‌نگێ مه دگه‌هیت و نه به‌س ده‌نگ به‌لكو قه‌در و بهایێ كوردبوونێ باشتر لێهات، ژبلی ڤێ بیرۆدزێ هه‌لبه‌ت دیزاینه‌كا لۆژیكی و ئه‌ندازیاره‌كێ خوه‌دی سه‌بۆر ڤیا، كو هێزه‌ك و كه‌ساتیه‌كا مه‌زنتر بده‌ته هه‌رێما كوردستانێ، ئه‌ز ناڤه‌شێرم كو كه‌سێ شیای ڤێ چه‌ندێ بكه‌ت، ئه‌وه كو كه‌سێ نێچیرڤان بارزانی سه‌رۆكێ حوكمه‌تا كوردستانێ، پشتی ڤان هه‌می سه‌ربۆرێن مه‌زن و دژوار ب سه‌ر دا هاتین، بێی هه‌بوونا وه‌زاره‌ته‌كا ده‌رڤه پێگه‌یێ هه‌ولێرێ ژ یێ به‌غدا بهێزتر بكه‌ڤیت.
ئه‌و مه‌حنه‌ته و مه‌زلۆمیه‌ته هه‌می بوونه سامانه‌كێ به‌ره‌ڤاژی و ره‌نگڤه‌دانه‌كا ئه‌كتیڤ ڤه‌دا بۆ ره‌وشا هه‌رێمێ. ئێك ژ ڤان وه‌لاتێن كو نێچیرڤان بارزانی شیایی دلۆڤانی و پشته‌ڤانیا وی بده‌ست مه‌ڤه بینیت، وه‌لاتێ فره‌نسا بوویه، ل ده‌مه‌كی كو و د په‌یوه‌ندیێن ته‌له‌فۆنی دا ل گه‌ل سه‌رۆكێ فه‌رنسا ئیمانۆێل ماكرۆن پرۆسا سیاسی یا عیراقێ و پیكئینانا كابینه‌یا نوو په‌سه‌ندكر، سیاسه‌تا فره‌نسا و یا هه‌می وه‌لاتێن ئه‌ورۆپی هه‌رده‌م به‌ر ب به‌لاسكرنا په‌یوه‌ندیان دچن، له‌ورا ته‌كه‌زی ل سه‌ر گرنگیا پشكداربوونا هه‌می پێكهاتان د حوكمه‌تا عیراقێ دا كر، و رۆلێ گرنگێ لایه‌نێ كوردی بۆ چاره‌كرنا ئاریشه‌یان، ئه‌ڤ په‌یوه‌ندیێن كوردی فره‌نسی كه‌ڤنن و ژ مێژه وه‌ره خوه ژ سه‌رده‌مێ سه‌رۆكێ فره‌نسی یێ ناڤدار دیگۆل و حه‌تا ئه‌ڤرۆ، هه‌لبه‌ت ل سالێن شێستان دا ژی كامیران به‌درخان ل فره‌نسا نووكرینه‌ڤه، حه‌تا گه‌هشتیه سالێن نۆتان و ئه‌و كۆچا ملیۆنی ل سه‌ر كوردان هاتی و خانما دانیال میتران جاره‌كا دی خوه ل كوردان كریه خودان، ئاخفتنه‌كا بارزانی جهێ خوه گرت ده‌مێ گۆتی (كوردان دۆستێن راست و دروست هه‌نه ل ئه‌ورۆپا).
دیسا ژی سه‌ره‌دانا هۆلاند بۆ سه‌نگه‌رێن پێشمه‌رگه‌ی كو جارا ئێكێ بوو سه‌رۆكه‌ك ب ڤی شێوه‌ی بهێت و پشته‌ڤانیێ بكه‌ت تشته‌كێ گرنگ بوو. و پێشوازیكرنا وی بۆ بارزانی نه ژ ڤالاهیه‌كێ یه. ئه‌ڤ هه‌می هۆكارێن هه‌نێ زێده‌باری كه‌ساتیا نێچیرڤان بارزانی پێكه‌هێ كوردی بهێزتر خست د چاڤێ فه‌رنسا و ستراتیچیا وێ دا، بۆ حه‌زا لێكگوهارتنا به‌رژه‌وه‌ندیان و باشتر پاراستنا ده‌ڤه‌رێ و جیهانێ ژ مه‌ترسیێن تیرۆرێ، هه‌لبه‌ت رۆلێ پێشمه‌رگه‌ی ژی بۆ ڤێ بیردۆزێ رۆله‌كێ كاریگه‌ره و باوه‌رنه‌كه بكاریت هێزه‌كا ب ڤی ره‌نگی خۆبه‌خش ببینیت یا پیگیر ب فه‌رمانان كو ب ساناهی بهێنه بجهئینان. ئه‌ڤێ هه‌میێ دیزاینا خوه هه‌بوویه و مه به‌حس ژێ كر، مه ژی نڤیسی به‌ری ساله‌كێ و ئه‌ڤه ژیوار و ئاكامن هوون هه‌می یێن دبینن!!.
