ددرێژاھييا خەباتا رزگاريخوازيا تەڤگەرا گەلێ مە يێ كوردستانێ دە ئافرەتا كوردستانێ ل گۆشەيێن بێ باندۆر مابوو ، ئاستێ ھەرى كێم ژ تەڤليبوونا خەباتا شۆرەشگێرى دە دناڤ ھەموو تەخ و چينێن جڤاكى ئافرەتا كوردستانى بوويە ، رێژا وان تەمەت تلێن دەستان بوونە دناڤ شۆرەش و سەرھلدانێن كوردى دا ،لەوما د ئەكتيف نەبوون ژبەر زەختو گڤاشتنا رەگەزێ نێر لسەر ئافرەتێ ، ديسا كار و خەباتا وان ل ژێر چاڤدێرى و كۆنترۆلا زەلاما دا بوويە، نە خودى ھێز و بريارێن خوسەر بوونە ، كو بەرەڤانيێ ژ كەسايەتيا خوە بكەن و مافێن خوە بپارێزن،دگەل ھندێ رەگەزێ نێر ھەر دەم ب چاڤەك نزم ل رەگەزێ مێ دنێرين لەوما ژن ھەر دەم خوەدى كەسايەتيەك ھەلوشياى بووينە دناڤ جڤاكێكوردستانى دا ،ھەتا چەند سالێن داويێ ژ سەد سالا٢٠ێ، ژنا كورد د تێگەھشتنا سياسى د ڤى بوارى دا گەلەكى لاواز بوو ، بەلكى وەكى شەرمەكێ دديت دەما كو ژنا كورد تەڤلى خەباتا سياسى ببت ،تەنێ ئەو خەبات زەلاميێن كورد ژ ماف و ئەركێن خوه دزانى و خوە بەر دەفكێن دۆزا ژنان دديتن بڤى ھەلويستى ژنا كورد ما تەپەسەر وبن دەست وھەر زەلامى خوه ب خودان دازانين و مافێ وێ پێشێل دكر و تەپەسەر دكر و دڤيا وەسا بت ، بەلێ ژنا كورد كارى ب ئاوايەكى رێكا خەباتێ د ڕێكێن جودا دە ڤەكەت و كارى دەنگێ خوه بلند بكەت ئەو ژى ل دەسپێكێ ل شۆرەشێن بارزان و رێزگرتنا شێخ ئەحمەدێ بارزانى و بارزانيێ نەمر ل ژنا كورد نەخاسمە ئەو بريارێن ل شۆرەشا ئەيلولێ ھاتيندان ژبۆ ئازادى و رزگاريا ژنا كورد كو ئەنجامێن ڤان شۆرەش و سەرھلدانا حكومەت و بەرلەمان بوون دناڤ ڤان دام و دەزگەھێن ئيدارى ژنا كورد رۆلەكێ بەرز لەيزى ،كو ھێدى نەمينت ل بن ركێفا زەلاما كو باب و برا بريارێ ل سەر كچ و ژنان بدەن ، يان گەلەك جارا كەس و كارێن كچا كورد بێ رازەمەنديا وێ دا ل كالەمێرەكى مەھركەن ، ياندا بەرخوين دەن و ب خوە دكرنە پێگوھۆرك .
ھەروەسا پرانيا كچان دناڤ چار ديوارێن مالێ دا دھاتنە زيندانيكرن ، دا كو ھەر گاڤ د خزمەتا مێران بكەت،و بەروڤاژى د ھاتە كوشتن ژى ھەگەر نەد خەبەرا مێرا دا با به‌هانه‌يا ناموسێ ژى گەلەك جارا ، لێ پارتى و بارزانى ئەڤ قەيد و بەندێن مالباتى ژناڤ برن ،وبريار ب ناڤێ شۆرەشێ ھاتن دانسزايێن قورس دەرھەقى ھەركەسێ زۆرداريێ ل ئافرەتێ بكەت دێ لسەر ئێنە سپاندن و ئەڤ چەندە بوو دەليڤەك زێرين ژنا كورد ھێدى زۆرداريێ قەبول نەكەت وھيچ جوداھيەك نەبت دناڤبەرا زەلام و ژنێ دا ،ئەڤرۆ ژنا كوردا ل دام و دازگەھێن ميرى و سياسى و لەشكەرى ب رێڤەدبەن ل وەلاتى و ئەورۆپا و جيھانێ رۆلێ خۆ دبينن ، ئەڤێ چەندێباندۆرا خوە د جڤاكێ كوردى كر و ھشياريەك دناڤ جڤاكا باشڤەروو دەرباز دكر دگەل ڤێ چەندێ ھشياريەك دناڤ تەخا ژنان دا چێ بوو ،ئەڤ ھشيارى دكەڤتە دبن باندۆرا تەڤگەرا كوردستانى دە لێ پێ نەڤێت ھندەك ياسايێن جڤاكى تەڤليھەڤ دكرن و كارى ھێزا خوە د خەباتا سياسى و لەشكەرى و جھێ خوە دناڤ ئيرادا كوردستانى دا بكەت .
لێئەڤ ژنا ل گۆشەيێن بێ باندۆر مايى دناڤ وێ تاريێ دا كارى خوه بكەت سەمبۆلەك دناڤ جڤاكێ كوردستانى دا د ھەر وارەكى دە دگەل ھندێ كارتێكرنا خوه لھەر چار پارچێن كوردستانێ بكەن و ڤێ راستيێ بدەن ناسين ئەو راستيا كو ھشياريا ژنا كورد دڵگرانيەك ئێخستيە دناڤ جڤاكا كەڤنار يا كوردستانى دە و گۆمانێن مەزن پێشكەتنێ دەركەت ھەم ژزەلامێن كو ھێزا سەردەستيا ژنێ ژ دەست وان دەركەتبوو ھەم ژى ل نەك دەسھەلاتداران كو گۆمانێن وان چێدبوون كو وێ جڤاكێ ژ بن كۆنترۆلا وان دەركەڤێ ئەڤ جار ب ھەموو ئالييان ھەولدانەك دژ بەرخودانا خەباتا ژنێ دەركەت و ھاريكارييەكا مەزن ژ دەزگەھيێن ئۆلى ڤەھاتە كرن بەرسنگێ خزمەت و خەباتا ژنێ بگرن و نەھێلن رزگاربن ل پێھەر ناڤەكى ھەبت ، ھەر چەندە تووشى مەترسيەكێ بوون بەلێ ھەڤركيا ھان بۆ وێ ببوو ھێزەك دناڤ ڤێ ھەڤركيێ دە بھێزتر بوو، ئەڤرۆكا ئاستێ كو ژنا كوردستانى گەھشتيێ دە و بتايبەت دناڤ خەباتا سياسى دە سەربلنداھيەكا مەزن بوو بۆ ژنێ بخوه كو ژناڤ قادا خەباتێ دا بوويە جيێ بريارگەھاندە، ئەڤ راستييا ھێز دا زەلامى ژى و باوەرى بۆوى چێكر كو ژن دكارن بەرپرساتيێ لسەر ملێ خوە راكت و كارتێكرنەكا بەرچاڤ د جڤاكى دا دروست بكەت و رۆلا ژنێ ب ئاوايەكى گشتى لبەر چاڤ بت.
ھەلبەت ئاڤاكرنا كەسايەتيا ژنا كورد نە كارەك ئاسانە كو رێكخستنەك يان كەسەك بسپۆر بكارە دەمەكى كێم ڤان ريفروم ب دەت ، ژبەركو پرانيا كوردێن باشوور مينا پارچيێن دن يێن كوردستانێگرێدايى داب و نەريتەيێن جڤاكەكى فەودال و عەشيرەتى و مالباتى نە ، ئەڤ ھنەر و كەد و خەباتا گەلێ كورد كرى و گەھشتيە ئەڤى رادەيى و بەرنگارى توند و تيژيا ئافرەتێ بين و ژنا كورد ئازاد و رزگاربى و ژن خوه ب خوه ياسايێن گرێدايى ژيانا ئافرەتێ ل پەرلەمانى دەرئێخستينە وسيستەمێ ژيانێ ژن يا دارشتى و گورانكاريێت جەوھەرى دپرۆسا ژيانێ دا بكەت و پەروەردەكا ھەژى د جيلێ داھاتى دا دێ پيادەكەت ، ژبەركو ژنەكا ھشيار و ب ھێز دكاريت جڤاكەكى بھێز و ھشيار بينتە بەرھەم ....
