گه‌له‌ك جاران مه ئاریشه ل سه‌ر دانانا ناڤه‌كى، یان ب كارئینانا په‌یڤه‌كێ، یان رێنڤێسان هه‌نه، ئه‌ڤ یه‌كه پێشتر بگر و بێكشا دناڤبه‌را زمانزانان بوویه، واته ئه‌وێن پسبۆر د بیاڤێ زمانى و فه‌رهه‌نگى، پتر دڤی بیاڤه گه‌نگه‌شه كریه، لێ من دڤێت ب پرسم ژ بۆ جهێ ب ده‌ستخستنا ده‌رمانان كیژان ناڤ درسته، ئه‌زبێژم دهرمانخانه چه‌ند ده‌ربرینێ ژ وى جهى دكه‌ت، یان ئه‌گه‌ر ئه‌م بێژین (ده‌رمانفرۆش) چه‌ند دێ په‌یڤه‌كى هه‌ژى وى جهى بیت؟؟
هه‌ر ل سه‌ر ڤێ یه‌كێ بریارێن سه‌رۆكێ حكومه‌تا هه‌رێما كوردستانێ ل دۆر بازرگانیكرن ب ده‌رمانان دێ ناڤ و نیشانێ گوتارا من ژى ئێكلا كه‌ن، چنكى راسته ل سه‌ر جهێ ب ده‌ستخستنا ده‌رمانان نێڤسیه (دهرمانخانه) لێ د راستى دا ئه‌و جهێ فرۆشتنا ده‌رمانایه و باشتره ل وان جهان بهێته نڤێسین (ده‌رمانفرۆش)، واته به‌رى ده‌ركه‌فتننا بریارێن حكمومه‌تا هه‌رێمێ ئه‌و جهه وه‌كو ماركێته‌كێ بوویه بۆ ب ده‌ستخستنا ده‌رمانان، ئه‌وا كو ل سه‌ر بكڕى ژى پێدڤى بوو ئه‌و بوویه ناڤێ ده‌رمانى ب زانیت بێى كو هیچ راچێته‌كا نوژه‌دارى ل گه‌ل خوه ببه‌ت، لێ رۆژا ڤێ معامه‌لێ و بازرگانیكرنا نه ساخله‌م ئێدى ئاڤا بوو، حكومه‌تا هه‌رێمێ ب بریارێن خوه ئاریشه و كێماسێن هه‌ستیارترین كه‌رتێ ناڤا جڤاكى كره پلانا خوه‌یا سه‌ره‌كى، من دڤێت ب تنێ ل سه‌ر ئێك ژ وان بریاران ب راوستم ئه‌و ژى كو دبێژیت: (رێك ناهێته دان ده‌رمانساز ببیته خوه‌دانێ پتر ژ ئێك موله‌تا دهرمانخانه و كۆگه‌هێن ده‌رمانێ) ئه‌ڤه بخوه گه‌له‌ك ژ وان ئاریشه‌یێن كو نها د ناڤا ده‌رمانخانه‌یان هه‌یه چاره‌سه‌ركه‌ت، واته ئیدى ئه‌ڤ ژمارا زۆر یان ده‌رمانخانه‌یان ناهێته دیتن و دڤێت هه‌ر ده‌رمانسازه‌ك ب تنێ موله‌تا ڤه‌كرنا ئێك ده‌مانخانه هه‌بیت، و ئه‌و بخوه ژى رێڤه‌به‌رێ وێ ده‌رمانخانێ بیت و به‌رده‌وام ل وى جهى به‌رهه‌ڤ بیت، واته دهرمانخانه ماركێته‌ك نینه هه‌ر كه‌سێ بڤێت دێ شێت ده‌رمانێ ب ده‌ست بێخیت، چونكى ئه‌و كه‌سێ ل به‌ر ده‌مانخانى كو به‌رى نها پسپۆریا ده‌رمانسازیێ نه‌بووى، بێگومان ئه‌گه‌ر نه‌خوه‌ش بێ راچیتا نوژدارى داخازا ده‌ر‌مانه‌كێ بكه‌ت، هه‌ر چه‌نده بۆ نه‌خۆشیا وى درست ژى نه‌بیت دكاریت ب ده‌ستڤه بینیت، ئه‌ڤه بخوه وى ده‌مى ئه‌و ده‌رمان ژبۆ نه‌ساخى نابیته چاره‌سه‌ر، بله‌كو دێ بیته ده‌رد، كه‌واته بریارێن نێچیرڤان بارزانى سه‌رۆكێ حكومه‌تا هه‌ڕێما كوردستانێ (ده‌رمانفرۆش) ژ بۆ (دهرمانخانه) گوهارت، ئه‌ڤ بریاره دێ بنه ئه‌گه‌ر نه بتنێ هه‌ر كه‌سێ خوه‌دان پاره و ده‌وله‌مه‌ند بیت بكاریت بازرگانیێ ب ده‌رمانان بكه‌ت، به‌لكو ئه‌و كار دێ بیته كارێ ده‌مانسازان ب ته‌نێ و ل ڤێرێ ب تنێ خه‌لك و نه‌ساخ دێ مفادارتن
