مایك پێنس جێگری سەركۆماری ئەمریكا لە لێدوانێكدا حكوومەتی ئێرانی بەوە تاوانبار كردووە كەلە ئاستی جیهاندا زیاتر لە 4 ملیار دۆلاری بۆ گرووپە تیرۆریستییەكان تەرخان كردووە و بێگومان ئەو جموجۆڵە مەترسیدارانەی بێ وەڵام نامێننەوە.
مایك پێنس، كەلە كۆمیتەی پەیوەندییە گشتییەكانی ئەمریكا و ئیسرائیل ئایپك قسەی دەكرد، لە لێدوانێكدا لەبارەی پرسی ئێران و چالاكییە سەربازی و سیاسییەكانی ئەو وڵاتە لە ناوچە و مەسەلەی ناوەكی قسەی كردووە و ڕای گەیاندووە: بەهەڵەدا مەچن، ئەمە دوایین چانسی ئەوانە، ئەگەر بێت و ڕێككەوتنی ئەتۆمی لەگەڵ ئێران لە مانگەكانی داهاتوودا هەموار نەكرێتەوە و گۆڕانی تێدا پێك نەهێندرێت، ئەمریكا دەستبەجێ لێی دەكشێتەوە .
جەختیشی كردەوە كە ئەم ڕێككەوتنە یان گۆڕانی بەسەردا دێت، یان ئەمریكا لێی دێتە دەرەوە.
لە بەشێكی دیكە لە قسەكانیدا جێگری سەركۆماری ئەمریكا ئێرانی بەوە تاوانبار كرد كە ساڵی رابردوو زیاتر لە 4 ملیار دۆلاری بۆ یارمەتی گرووپە تیرۆریستییەكان تەرخان كردووە، داخستنی
مایك پێنس جەختی لەوەش كردەوە كە ڕێگە نادەین، شكستی داعش لە ناوچەكە ببێتە ڕێگەیەك بۆ سەركەوتنی رژێمی ئێران.
کۆمێنت (0)
تا ئێستا هیچ کۆمێنتێک نەکراوە.