لێژنەی دارایی لە ئەنجومەنی نوێنەرانی عێراق رایگەیاند كە وردبینی كردنی مووچەی مامۆستایان و فەرمانبەرانی وەزارەتی پەروەردە لە هەرێمی كوردستان تەواو كراوە و پارەی پێویستیشی بۆ دانراوە و لە هەفتەی داهاتووش ئەو مووچەیە رەوانەی هەرێم دەكرێت .
بەپێی هەواڵێكی رۆژنامەی سەباح جەدید ، جەبار عبادی ئەندامی لێژنەی دارایی لە ئەنجومەنی نوێنەرانی عێراق ئاشكرایكرد ، داوایان لە ئەندامانی كورد لە ئەنجومەنی نوێنەران كردووە ، ئەو لایەنە دیاری بكەن كە ئەو بڕە پارەیەی بۆ رەوانە دەكەن بۆ ئەوەی بەپێی گوتەی جەبار عبادی بەرپرس بێت لە بەردەم گەلی عێراق .
روونیشیكردەوە ئێستا حكومەتی عێراق بەهۆی ئەوەی كوتلەی كۆمەڵی ئیسلامی و گۆڕان رەتیانكردۆتەوە ئەو پارەیە بۆ هەرێم رەوانە بكرێت ، نازانێت چۆن پارەكە رەوانە بكات . بەوەی ئەو دوو كوتلەیە نیگەرانی خۆیان دەربڕیوە كە پارەكە نازانرێت چۆن دابەش دەكرێت .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.