ئۆپه‌راسیۆنی رزگاركردنه‌وه‌ی قه‌زای حه‌ویجه ده‌ستیپێكردو هێزه‌كانی عێراقیش، له چه‌ندین میحوه‌ره‌وه له‌گه‌ڵ چه‌كدارانی داعش له رووبه‌رووبوونه‌وه‌دان.
به‌ره‌به‌یانی ئه‌مڕۆ حه‌یده‌ر عه‌بادی، سه‌رۆك وه‌زیرانی عێراق و فه‌رمانده‌ی گشتی هێزه چه‌كداره‌كانی عێراق، ئۆپه‌راسیۆنی رزگاركردنه‌وه‌ی حه‌ویجه‌ی راگه‌یاند.
فه‌رمانده‌ی گشتی هێزه چه‌كداره‌كانی عێراق ئاشكرای كرد: ئه‌مه قۆناخی یه‌كه‌می ئۆپه‌راسیۆنی رزگاركردنه‌وه‌ی حه‌ویجه‌یه، ئێستا هێزه‌كانی عێراق، له چه‌ندین میحوه‌ره‌وه له‌گه‌ڵ چه‌كدارانی داعش له‌شه‌ڕدان و له سه‌ركه‌وتنی یه‌كجاری و كۆتایی هێنان به داعش له عێراق نزیكبوونه‌ته‌وه.
به مه‌به‌ستی رزگاركردنه‌وه‌ی حه‌ویجه، دوێنێ حه‌یده‌ر عه‌بادی فه‌رمانده‌ی گشتی هێزه چه‌كداره‌كانی عێراق، سه‌ردانی گه‌یاره‌ی كردو هێزه‌كانی سوپای عێراقی به‌سه‌ركرده‌وه.
كوردستان تیڤی: ئا/ رزگار تاهیر
کۆمێنت (0)
تا ئێستا هیچ کۆمێنتێک نەکراوە.