په‌رله‌مان و حکومه‌ت بۆ هه‌ڵوه‌شاندنه‌وه‌ی پاشه‌که‌وتی مووچه‌ کۆده‌بنه‌وه‌

په‌رله‌مان و حكومه‌تی هه‌رێمی كوردستان ، بۆ هه‌ڵوه‌شاندنه‌وه‌ی سیستمی پاشه‌كه‌وت كردنی مووچه‌ كۆده‌بنه‌وه‌و كاتێكیش بۆ په‌سه‌ندكردنی سیستمێكی نوێی مووچه‌ دیاری ده‌كه‌ن.

پێش نیوه‌ڕۆی ئه‌مڕۆ جیگری سه‌رۆكی په‌رله‌مان و سه‌رۆكی فراكسیۆنه‌كان و چه‌ند لیژنه‌یه‌كی تایبه‌تمه‌ندی په‌رله‌مان له‌گه‌ڵ نێچیرڤان بارزانی سه‌رۆك وه‌زیرانی هه‌رێمی كوردستان و قوباد تاڵه‌بانی جێگری سه‌رۆك وه‌زیرانی هه‌رێمی كوردستان كۆده‌بنه‌وه‌.

له‌ كۆبوونه‌وه‌كه‌ی نێوان په‌رله‌مان و حكومه‌ت، پرسی هه‌ڵوه‌شاندنه‌وه‌ی سیستمی پاشه‌كه‌وت كردنی مووچه‌ گه‌نگه‌شه‌ ده‌كرێت.

هه‌رله‌ كۆبوونه‌وه‌كه‌ی ئه‌مڕۆی په‌رله‌مان و حكومه‌تدا، كاتی دانیشتنی داهاتووی په‌رله‌مانی كوردستان ، بۆ گفتوگۆكردن له‌سه‌ر هه‌ڵوه‌شاندنه‌وه‌ی سیستمی پاشه‌كه‌وت كردنی مووچه‌ و په‌سه‌ندكردنی سیستمێكی نوێی مووچه‌ دیاری ده‌كرێت.

كوردستان تیڤی: ئا/ رزگارتاهیر