دوای ئەوەی بۆ ماوەیەکی کەم هاتوچۆی ئۆتۆمبێل لە دەروازەی نێودەوڵەتیی ئیبراهیم خەلیل بەرەو وڵاتی تورکیا ڕاگیرابوو، ئێستا ڕەوشەکە ئاسایی بووەتەوە و ڕێگە بەڕووی گەشتیاراندا کرایەوە.
کامی کەمال، گوتەبێژی کۆمەڵگەی دەروازەی نێودەوڵەتیی ئیبراهیم خەلیل لە لێدوانێکدا ڕایگەیاند: "بەهۆی بارینی بەفر لە هەندێک شەقام و ڕێگاکانی ناوچەکانی تورکیا، بۆ ماوەیەکی کەم ڕێگەی چوونی ئۆتۆمبێلە گەشتیارییەکان و بارهەڵگران لە هەرێمی کوردستانەوە بەرەو تورکیا ڕاگیرابوو."
گوتەبێژی دەروازەکە ئاماژەی بەوەش کرد کە ئێستا جارێکی دیکە ڕێگەکان کراونەتەوە و ڕەوشی هاتوچۆ بەرەبەرە بەرەو ئاساییبوونەوە دەچێت و ئۆتۆمبێلەکان دەتوانن گەشتەکانیان ئەنجام بدەن.
کۆمێنت (0)
تا ئێستا هیچ کۆمێنتێک نەکراوە.